തിരുവനന്തപുരം മെഡിക്കൽ കോളജിലെ ജീവനക്കാരുടെ ക്വറന്റീൻ വെട്ടിക്കുറച്ചു; പ്രതിഷേധവുമായി നഴ്സുമാർ

തിരുവനന്തപുരം:  മെഡിക്കൽ കോളജ് ആശുപത്രിയിൽ കോവിഡ് ഡ്യൂട്ടി ചെയ്യുന്ന ആരോഗ്യപ്രവർത്തകരുടെ ക്വാറന്റീൻ കാലയളവ് വെട്ടിക്കുറച്ചു. കോവിഡ് ഐസിയുവിലും കോവിഡ് വാർഡിലും ജോലി ചെയ്യുന്നവർക്ക് 14 ദിവസത്തെ ക്വറന്റീനാണ് നേരത്തെ അനുവദിച്ചിരുന്നത്.  ഇതാണ് ഇപ്പോൾ വെട്ടിക്കുറച്ചിരിക്കുന്നത്. കോവിഡ് ഐസിയുവിലെ തുടർച്ചയായ 10 ദിവസത്തെ ഡ്യൂട്ടിക്ക് ശേഷം 7 ദിവസത്തെ ക്വറന്റീനും ഐസൊലേഷൻ വാർഡിലെ 10 ദിവസത്തെ ഡ്യൂട്ടിയ്ക്ക് ശേഷം 3 ദിവസത്തെ ക്വാറന്റീനുമാണ് ഇപ്പോൾ നിർദ്ദേശിച്ചിരിക്കുന്നത്.