ട്രാന്‍സ് ദമ്പതിമാരെ ബന്ധുവും സുഹൃത്തുക്കളും ചേർന്ന് ആക്രമിച്ചു; പേരാവൂരില്‍ അഞ്ചുപേര്‍ക്കെതിരെ കേസ്

ശിഖയുടെ മുടി ചുറ്റിപ്പിടിച്ച് തല ഭിത്തിയിലിടിക്കുകയും നെഞ്ചിലിടിക്കുകയും ചെയ്തതായി പരാതിയില്‍ പറയുന്നു. കഴുത്തില്‍ മുറിവേറ്റിട്ടുമുണ്ട്. ഇവരുടെ ബൈക്കും തകര്‍ത്തു. ശിഖ ഫോണില്‍ വിളിച്ചറിയിച്ചതിനെത്തുടര്‍ന്ന് സ്ഥലത്തെത്തിയ പോലീസാണ് ഇരുവരെയും ആശുപത്രിയിലെത്തിച്ചത്. ബെനീഷ്യോയുടെ സഹോദരന്‍ കോക്കാട്ട് സന്തോഷ്, സന്തോഷിന്റെ സുഹൃത്തുക്കളായ രതീശന്‍, കോക്കാട്ട് തോമസ്, സോമേഷ്, ജോഫി ആന്റണി എന്നിവരുടെ പേരിലാണ് പോലീസ് കേസെടു.

ഫെബ്രുവരിയിലായിരുന്നു ഇവരുടെ വിവാഹം. എറണാകുളത്ത് വാടകയ്ക്ക് താമസിച്ചിരുന്ന ദമ്പതിമാര്‍ സാമ്പത്തിക ബുദ്ധിമുട്ട് കാരണമാണ് തുണ്ടിയിലെ തറവാട് വീട്ടിലേക്ക് താമസം മാറിയത്. ദമ്പതിമാര്‍ വീട്ടില്‍ താമസിക്കുന്നതില്‍ അമ്മയ്ക്കും സഹോദരനും താത്പര്യമില്ലെന്ന് ബെനീഷ്യോ പറയുന്നു. ഇതേത്തുടര്‍ന്ന് പലതവണ വീട്ടില്‍ പ്രശ്‌നങ്ങളുണ്ടാകുകയും പോലീസില്‍ പരാതി നല്‍കുകയും ചെയ്തിരുന്നു.