ട്രെയിനിൽ യാത്രക്കാരിക്കു മേൽ മൂത്രമൊഴിച്ച ടിടിഇ അറസ്റ്റിൽ
- Published by:Naseeba TC
- news18-malayalam
Last Updated:
യാത്രക്കാരിയുടെ തലയിലാണ് ഇയാൾ മൂത്രമൊഴിച്ചത്
കൊൽക്കത്ത: ട്രെയിനിൽ യാത്രക്കാരിക്കു മേൽ മൂത്രമൊഴിച്ച ടിടിഇ അറസ്റ്റിൽ. കൊൽക്കത്തിയിലെ അകൽ തക്ത് എക്സ്പ്രസ്സിലായിരുന്നു സംഭവം. ട്രെയിനിലെ A1 കോച്ചിൽ ഞായറാഴ്ച്ച അർധരാത്രി ഉറങ്ങിക്കിടന്ന യാത്രക്കാരിക്കുമേലാണ് ടിടിഇ മൂത്രമൊഴിച്ചത്. ഇയാൾ ഈ സമയത്ത് മദ്യപിച്ചിട്ടുണ്ടായിരുന്നു.
മുന്ന കുമാർ എന്നയാളാണ് അറസ്റ്റിലായത്. സംഭവ സമയം ഇയാൾ ഡ്യൂട്ടിയിലായിരുന്നില്ല. ട്രെയിനിൽ യാത്ര ചെയ്യുകയായിരുന്നു ഇയാൾ. സഹയാത്രക്കാരിയുടെ തലയിലാണ് മൂത്രമൊഴിച്ചത്. അതേസമയം, യാത്രക്കാരിയുടെ ഭർത്താവും റെയിൽവേ ഉദ്യോഗസ്ഥനാണ്.
Also Read- ബംഗളൂരുവിൽ എയർ ഹോസ്റ്റസ് നാലാമത്തെ നിലയിൽനിന്ന് വീണുമരിച്ചു; മലയാളി യുവാവ് അറസ്റ്റിൽ
രാത്രി സ്ത്രീയുടെ നിലവിളി കേട്ടാണ് സഹയാത്രക്കാർ ഉണർന്നത്. മൂത്രമൊഴിച്ചയാളെ സ്ത്രീ പിടികൂടുകയും ചെയ്തിരുന്നു. ട്രെയിൻ ചാർബാഗ് സ്റ്റേഷനിൽ എത്തിയപ്പോൾ റെയിൽവേ പൊലീസിന് കൈമാറി. ഇയാളെ ജുഡീഷ്യൽ കസ്റ്റഡിയിൽ വിട്ടിരിക്കുകയാണ്.
Location :
Lucknow,Lucknow,Uttar Pradesh
First Published :
March 14, 2023 2:45 PM IST
