കുറുപ്പംപടി പോക്സോ കേസിൽ അമ്മയും പ്രതി; പെൺമക്കൾ പീഡിപ്പിക്കപ്പെടുന്നു എന്ന് അറിയാമായിരുന്നതായി പൊലിസ്
- Published by:Rajesh V
- news18-malayalam
Last Updated:
മൂന്നുവർഷം മുമ്പ് കുട്ടികളുടെ അച്ഛൻ അസുഖബാധിതനായപ്പോൾ ടാക്സി ഡ്രൈവറായിരുന്ന ധനേഷിന്റെ വാഹനത്തിലായിരുന്നു ചികിത്സയ്ക്കായി കൊണ്ടുപോയിരുന്നത്. അങ്ങനെ കുടുംബവുമായി കൂടുതൽ അടുത്ത പ്രതി, രണ്ടുവർഷം മുമ്പ് അച്ഛന്റെ മരണശേഷമാണ് യഥാർത്ഥ മുഖം പുറത്തെടുത്തത്
കൊച്ചി കുറുപ്പംപടിയില് പത്തും പന്ത്രണ്ടും വയസുള്ള കുട്ടികളെ പീഡനത്തിനിരയാക്കിയ സംഭവത്തില് കുട്ടികളുടെ അമ്മയെയും കേസിൽ പ്രതി ചേർക്കും. കുട്ടികൾ പീഡനത്തിനിരയായെന്ന വിവരം അമ്മയ്ക്ക് അറിയാമായിരുന്നുവെന്ന് പ്രതി ധനേഷ് പൊലീസിന് മൊഴി നല്കി. കുട്ടികളെ പീഡനത്തിനിരയാക്കിയ സംഭവത്തിൽ മനുഷ്യ മനഃസാക്ഷിയെ മരവിപ്പിക്കുന്ന വിവരങ്ങളാണ് പുറത്തുവരുന്നത്.
മൂന്നുവർഷം മുമ്പ് കുട്ടികളുടെ അച്ഛൻ അസുഖബാധിതനായപ്പോൾ ടാക്സി ഡ്രൈവറായിരുന്ന ധനേഷിന്റെ വാഹനത്തിലായിരുന്നു ചികിത്സയ്ക്കായി കൊണ്ടുപോയിരുന്നത്. അങ്ങനെ കുടുംബവുമായി കൂടുതൽ അടുത്ത പ്രതി, രണ്ടുവർഷം മുമ്പ് അച്ഛന്റെ മരണശേഷമാണ് യഥാർത്ഥ മുഖം പുറത്തെടുത്തത്.
മരണശേഷം ഇവര് താമസിക്കുന്ന വാടക വീട്ടിലേക്ക് എല്ലാ ശനി, ഞായര് ദിവസങ്ങളിലും ഇയാൾ എത്തും. രണ്ടാനച്ഛന് എന്ന രീതിയിലായിരുന്നു കുട്ടികളോട് ധനേഷിന്റെ പെരുമാറ്റം. ഇതിന്റെ മറവിൽ കുട്ടികളെ രണ്ടുപേരെയും ഇയാൾ ലൈംഗികമായി പീഡിപ്പിക്കുകയായിരുന്നു. 2023 ജൂൺ മുതൽ കഴിഞ്ഞ ഫെബ്രുവരി വരെയാണ് ഇരുവരും പീഡനത്തിനിരയായത്.
advertisement
പിന്നീട്, ഈ കുട്ടികളുടെ സുഹൃത്തുക്കളുടെ ചിത്രങ്ങള് മൊബൈല് ഫോണില് കണ്ടതോടെ ഇവരെയും വീട്ടിലേക്ക് എത്തിക്കണമെന്ന് പ്രതി കുട്ടികളെ ഭീഷണിപ്പെടുത്തി. ഭീഷണിക്ക് വഴങ്ങേണ്ടിവന്ന കുട്ടികള് വീട്ടിലേക്ക് വരണമെന്ന് പറഞ്ഞ് സഹപാഠിക്ക് നല്കിയ കത്ത് അധ്യാപികക്ക് ലഭിച്ചതോടെയാണ് പീഡന വിവരം പുറംലോകം അറിഞ്ഞത്.
Location :
Kochi [Cochin],Ernakulam,Kerala
First Published :
Mar 21, 2025 11:17 AM IST
മലയാളം വാർത്തകൾ/ വാർത്ത/Crime/
കുറുപ്പംപടി പോക്സോ കേസിൽ അമ്മയും പ്രതി; പെൺമക്കൾ പീഡിപ്പിക്കപ്പെടുന്നു എന്ന് അറിയാമായിരുന്നതായി പൊലിസ്
