കിഴക്കമ്പലത്ത് മർദനമേറ്റ Twenty Twenty പ്രവർത്തകന്റെ നില ഗുരുതരം; ആക്രമണത്തിന് പിന്നിൽ CPM എന്ന് പരാതി

കൊച്ചി: കിഴക്കമ്പലത്ത് (Kizhakkambalam) വിളക്കണച്ച് പ്രതിഷേധിച്ച് സ്ട്രീറ്റ് ലൈറ്റ് ചലഞ്ചിൽ പങ്കെടുത്തതിനെ തുടർന്ന് മർദനമേറ്റ ട്വന്റി ട്വന്റി (Twenty Twenty) പ്രവർത്തകൻ ഗുരുതരാവസ്ഥയിൽ വെന്റിലേറ്ററിൽ. കാവുങ്ങപ്പറമ്പ് പാറപ്പുറം ഹരിജന്‍ കോളനിയില്‍ ചായാട്ടുഞാലില്‍ സി കെ ദീപു(38) ആണ് ആന്തരിക രക്തസ്രാവത്തെ തുടർന്ന് ചികിത്സയിലുള്ളത്. ഇദ്ദേഹത്തിന്റെ വയറ്റിൽ ഉൾപ്പെടെ പല ആന്തരിക മുറിവുകളുണ്ടെന്നു ഡോക്ടർ പറ​ഞ്ഞു. കഴിഞ്ഞ 12നാണ് ദീപുവിന് മർദനമേറ്റത്. സിപിഎം പ്രവർത്തകരാണ് മർദിച്ചതെന്ന് കാട്ടി ദീപുവിന്റെ കുടുംബം പൊലീസിൽ പരാതി നൽകി.