യാത്രക്കാരിയോട് ലൈംഗികാതിക്രമം നടത്തിയ കെഎസ്ആർടിസി കണ്ടക്ട‌ർ അറസ്‌റ്റിൽ

തിരുവനന്തപുരത്തു നിന്ന് വണ്ണപ്പുറം വഴി കട്ടപ്പനയിലേക്കു പോകുന്ന ബസിൽ അടൂരിൽ നിന്നാണ് പെൺകുട്ടി കയറിയത്. യാത്രയ്ക്കിടെ ബുധനാഴ്ച രാത്രി 11നു കാളിയാറിൽ എത്തിയപ്പോഴാണു സംഭവം നടന്നത്. തുടർന്ന് യാത്രക്കാരി പൊലീസിൽ പരാതി നൽകുകയായിരുന്നു.

ദേഹത്ത് സ്പർശിച്ചെന്നും ലൈംഗികച്ചുവയോടെ സംസാരിച്ചെന്നുമാണ് യാത്രക്കാരിയുടെ പരാതി. പെൺകുട്ടി പൊലീസ് കൺട്രോൾ റൂമിൽ വിളിച്ചതിനെ തുടർന്ന് വിവരം കാളിയാർ സ്റ്റേഷനിൽ അറിയിക്കുകയായിരുന്നു. ബസ് കാളിയാർ വിട്ടതിനാൽ കഞ്ഞിക്കുഴി പൊലീസ് കഞ്ഞിക്കുഴി യിൽ ബസ് തടഞ്ഞുനിർത്തി വൈശാഖിനെ പിടികൂടുകയായിരുന്നു. പ്രതിയെ ജാമ്യത്തിൽ വിട്ടയച്ചു.