എടവണ്ണയിലെ യുവാവിൻ്റെ കൊലപാതകം ; റിദാന്‍റെ ശരീരത്തിൽ നിന്നും ബുള്ളറ്റ്  കണ്ടെത്തി, തലക്ക് പിന്നിൽ ആഴത്തിൽ മുറിവ്; അന്വേഷണം ലഹരി,സ്വർണക്കടത്ത് സംഘങ്ങൾ കേന്ദ്രീകരിച്ച്

മലപ്പുറം എടവണ്ണയിൽ വെടിയേറ്റ് മരിച്ച റിദാൻ ബാസിത്തിൻ്റെ മൃതദേഹത്തിൽ നിന്നും വെടിയുണ്ട കണ്ടെത്തി. മയക്ക് മരുന്ന് കേസിൽ പ്രതിയായ ഇയാളുടെ മരണം കൊലപാതകം തന്നെ ആണെന്ന നിഗമനത്തിലാണ് പോലീസ്. മഞ്ചേരി മെഡിക്കൽ കോളജിൽ ആയിരുന്നു റിദാൻ ബാസിത്തിൻ്റെ പോസ്റ്റ് മോർട്ടം. മൂന്ന് വെടിയുണ്ടകൾ ഏറ്റ മുറിവ് ശരീരത്തിൽ ഉണ്ട്. ഒരു വെടിയുണ്ട ശരീരത്തിന് ഉള്ളിൽ നിന്നും കണ്ടെത്തി. തലക്ക് പിന്നിലും വയറിലും ആഴത്തിൽ മുറിവ് ഉണ്ട്. ചെറിയ പെല്ലെറ്റ് ആണ് ശരീരത്തിനുള്ളിൽ നിന്ന് ലഭിച്ചത്. എയർ ഗൺ ആകാം വെടിവെയ്ക്കാൻ ഉപയോഗിച്ചത് എന്നാണ് പോലീസ് നിഗമനം. വിദഗ്ദ പരിശോധനക്ക് ശേഷമേ ഇക്കാര്യം വ്യക്തമാകൂ.