കോഴിക്കോട് വീടുവിട്ടിറങ്ങിയ പെൺകുട്ടിയെ മാളിലെത്തിക്കാമെന്ന് പറഞ്ഞ് ഓട്ടോയിൽ കയറ്റി പീഡിപ്പിച്ചു; യുവാവ് അറസ്റ്റിൽ

വീടുവിട്ടിറങ്ങിയ പെൺകുട്ടിയെ ഷൗക്കത്തലി ബസിൽ പിന്തുടരുകയായിരുന്നു. തുടർന്ന് ഹൈലൈറ്റ് മാളിൽ എത്തിക്കാമെന്ന് വാഗ്ദാനം നൽകി പെൺകുട്ടിയെ ഓട്ടോറിക്ഷയിൽ കയറ്റി. പിന്നീട് വിവിധ സ്ഥലങ്ങളിൽ എത്തിച്ച് ലൈംഗികമായി ഉപദ്രവിച്ചെന്നാണ് പരാതി. പെൺകുട്ടിയുടെ പരാതിയുടെ അടിസ്ഥാനത്തിൽ കോഴിക്കോട് വനിതാ പോലീസ് സ്റ്റേഷൻ എസ്‌.ഐ തുളസിയുടെ നേതൃത്വത്തിലുള്ള സംഘമാണ് കേസ് അന്വേഷിച്ചത്. നഗരത്തിൽ ഒളിവിൽ കഴിഞ്ഞിരുന്ന പ്രതിയെ പോലീസ് സംഘം പിടികൂടുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.