കുഞ്ഞിനെ തലയ്ക്കടിച്ച് കടലിൽ എറിഞ്ഞുകൊന്ന കേസിലെ പ്രതിയായ അമ്മ വിഷംകഴിച്ച നിലയിൽ; സംഭവം വിചാരണ തുടങ്ങാനിരിക്കെ
- Published by:Rajesh V
- news18-malayalam
Last Updated:
2020 ഫെബ്രുവരിയിലാണ് ശരണ്യ തന്റെ കുഞ്ഞിനെ കടലിലെറിഞ്ഞ് കൊന്നത്. കുഞ്ഞിനെ വീട്ടില്നിന്നും കൊണ്ടുപോയി കടപ്പുറത്തെ കരിങ്കല്ഭിത്തിയില് തലയ്ക്കടിച്ച് കൊന്നശേഷം മൃതദേഹം ഉപേക്ഷിക്കുകയായിരുന്നു. ശരണ്യ തന്റെ കാമുകനൊപ്പം ജീവിക്കുന്നതിന് വേണ്ടിയാണ് ഒന്നരവയസുകാരനായ സ്വന്തം കുഞ്ഞിനെ കൊലപ്പെടുത്തിയതെന്നാണ് കേസ്
കോഴിക്കോട്: കണ്ണൂരില് കുഞ്ഞിനെ കടലില് എറിഞ്ഞുകൊന്ന കേസില് കുഞ്ഞിന്റെ അമ്മ ശരണ്യ ജീവനൊടുക്കാൻ ശ്രമിച്ചു. വിഷം കഴിച്ച നിലയില് ശരണ്യയെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിക്കുകയായിരുന്നു. കോഴിക്കോട് റെയില്വേ സ്റ്റേഷനടുത്ത് മുറിയെടുത്തതിനുശേഷമാണ് ആത്മഹത്യ ശ്രമം നടത്തിയത്. മറ്റാരും കൂടെയില്ലായിരുന്നുവെന്നാണ് നിഗമനം. കേസില് തളിപ്പറമ്പ് കോടതിയില് ഇന്ന് വിചാരണ തുടങ്ങാന് ഇരിക്കെയാണ് വിഷം കഴിച്ച് ജീവനൊടുക്കാൻ ശ്രമിച്ചത്.
2020 ഫെബ്രുവരിയിലാണ് ശരണ്യ തന്റെ കുഞ്ഞിനെ കടലിലെറിഞ്ഞ് കൊന്നത്. കുഞ്ഞിനെ വീട്ടില്നിന്നും കൊണ്ടുപോയി കടപ്പുറത്തെ കരിങ്കല്ഭിത്തിയില് തലയ്ക്കടിച്ച് കൊന്നശേഷം മൃതദേഹം ഉപേക്ഷിക്കുകയായിരുന്നു. ശരണ്യ തന്റെ കാമുകനൊപ്പം ജീവിക്കുന്നതിന് വേണ്ടിയാണ് ഒന്നരവയസുകാരനായ സ്വന്തം കുഞ്ഞിനെ കൊലപ്പെടുത്തിയതെന്നാണ് കേസ്.
പ്രണവ്- ശരണ്യ ദമ്പതിമാരുടെ മകന് വിയാന് എന്ന കുട്ടിയുടെ മൃതദേഹം തയ്യില് കടപ്പുറത്തെ കരിങ്കല് ഭിത്തികള്ക്കിടയില് നിന്നായിരുന്നു കണ്ടെത്തിയത്. പ്രണയ വിവാഹിതരായവരായിരുന്നു ശരണ്യയും പ്രണവും. എന്നാല് ഇവരുടെ ദാമ്പത്യത്തില് പിന്നീട് പ്രശ്നങ്ങള് ഉണ്ടായി. കുഞ്ഞിനെ തട്ടിക്കൊണ്ട് പോയെന്നായിരുന്നു ശരണ്യ ആദ്യം മൊഴി നല്കിയിരുന്നത്. എന്നാല് പൊലീസിന്റെ വിശദമായ ചോദ്യം ചെയ്യലിന് ശേഷമാണ് അവര് കുറ്റം സമ്മതിച്ചത്.
advertisement
(ആത്മഹത്യ ഒന്നിനും പരിഹാരമല്ല.. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക.. Toll free helpline number: 1056, മറ്റ് ഹെൽപ് ലൈൻ നമ്പറുകൾ: പ്രതീക്ഷ (കൊച്ചി ) -048-42448830, മൈത്രി ( കൊച്ചി )- 0484-2540530, ആശ്ര (മുംബൈ )-022-27546669, സ്നേഹ (ചെന്നൈ ) -044-24640050, സുമൈത്രി -(ഡല്ഹി )- 011-23389090, കൂജ് (ഗോവ )- 0832- 2252525, റോഷ്നി (ഹൈദരാബാദ്) -040-66202000)
Location :
Kannur,Kannur,Kerala
First Published :
Jan 20, 2025 3:47 PM IST
മലയാളം വാർത്തകൾ/ വാർത്ത/Crime/
കുഞ്ഞിനെ തലയ്ക്കടിച്ച് കടലിൽ എറിഞ്ഞുകൊന്ന കേസിലെ പ്രതിയായ അമ്മ വിഷംകഴിച്ച നിലയിൽ; സംഭവം വിചാരണ തുടങ്ങാനിരിക്കെ
