പാലക്കാട് കൊല്ലപ്പെട്ട യുവാവിന് കാർ വാടകക്ക് എടുത്തതുമായി ബന്ധപ്പെട്ട് സുഹൃത്തുക്കളുടെ ഭീഷണി ഉണ്ടായിരുന്നതായി അമ്മ

പാലക്കാട്:  പാലക്കാട് കൊല്ലപ്പെട്ട യുവാവിന് കാർ വാടകക്ക് എടുത്തതുമായി ബന്ധപ്പെട്ട് സുഹൃത്തുക്കളുടെ ഭീഷണി ഉണ്ടായിരുന്നതായി അമ്മ. കൊല്ലപ്പെട്ട സുവീഷ് താമസിച്ചിരുന്ന വീട്ടിൽ സുഹൃത്തുക്കൾ ആക്രമണം നടത്തിയിരുന്നതായും അമ്മ പറഞ്ഞു. തത്തമംഗലം സ്വദേശി സുബീഷി (20) നെ സുഹൃത്തുക്കൾ കൊലപ്പെടുത്തി പുഴയിൽ കെട്ടി താഴ്ത്തുകയായിരുന്നു. കേസിൽ ആറു പേരെ പൊലീസ് കസ്റ്റഡിയിലെടുത്തു. കഞ്ചാവ് വില്പനയുമായി ബന്ധപ്പെട്ട സാമ്പത്തിക ഇടപാടുകളാണ് കൊലപാതകത്തിന് പിന്നിലെന്നാണ് സൂചന.