ഒ.എൽ.എക്സ് തട്ടിപ്പ്; ഉത്തരേന്ത്യൻ സംഘം കേരളത്തിലും; തൃ​ശൂ​ർ സ്വ​ദേ​ശി​ക്ക്​ നഷ്ടമായത് 15,000 രൂ​പ​

കൊച്ചി: ഒ.​എ​ൽ.​എ​ക്​​സ്​ വ​ഴി ത​ട്ടി​പ്പു ന​ട​ത്തു​ന്ന ഉത്തരേന്ത്യൻ സം​ഘം കേരളത്തിലും സ​ജീ​വം. പ​ട്ടാ​ള​ക്കാ​ര​നാ​ണെ​ന്ന വ്യാ​ജേ​ന കു​റ​ഞ്ഞ വി​ല​യ്​​ക്ക്​ കാ​ർ വി​ൽ​ക്കാ​നു​ണ്ടെ​ന്ന്​ ഒ.​എ​ൽ.​എ​ക്​​സി​ൽ പ​ര​സ്യം ചെയ്ത് അ​ഡ്വാ​ൻ​സ്​ വാങ്ങി മുങ്ങുന്നതാണ് ഇവരുടെ തട്ടിപ്പ് രീതി. ക​ഴി​ഞ്ഞ ദി​വ​സം തൃ​ശൂ​ർ സ്വ​ദേ​ശി​ക്ക്​ ഇത്തരത്തിൽ 15,000 രൂ​പ​ നഷ്ട‌മായി.

TRENDING:മുഖ്യമന്ത്രി ബി.എസ്. യെദ്യൂരപ്പ മലയാളികളെ നാട്ടിലെത്തിക്കാൻ എല്ലാ സഹായവും വാഗ്ദാനം ചെയ്തു: കെ. സുരേന്ദ്രൻ [NEWS]പ്രവാസികളുടെ മടക്കം; ഇന്ന് ദുബായ്, ബഹ്റൈൻ വിമാനങ്ങൾ കേരളത്തിലെത്തും [NEWS]പ്രായപൂർത്തിയാകാത്തവർക്ക് വാട്സ്ആപ്പ് വഴി ലഹരി വിൽപ്പന; യുവതി അറസ്റ്റിൽ [PHOTO]

കെ.​എ​ൽ 7 ബി.​യു 6982 എ​ന്ന ന​മ്പ​റി​ലു​ള്ള സി​ഫ്​​റ്റ്​ കാ​ർ വി​ൽ​ക്കാനുണ്ടെന്നായിരുന്നു പരസ്യം. മ​ല്ല​പ്പ​ള്ളി സ്വ​ദേ​ശിയുടേതാണ് ഈ ​കാ​ർ. ഈ ​ഉ​ട​മ​യു​ടെ പേ​രി​ൽ വ്യാ​ജ ഐ​ഡ​ൻ​റി​റ്റി കാ​ർ​ഡു​ണ്ടാ​ക്കി​യാ​ണ്​ ത​ട്ടിപ്പ്. പ​ട്ടാ​ള​ക്കാ​ര​നാ​ണെ​ന്ന്​ ബോ​ധ്യ​പ്പെ​ടു​ന്ന രീ​തി​യി​ലാ​ണ്​ ഐ​ഡ​ൻ​റി​റ്റി കാ​ർ​ഡു​ക​ളെ​ല്ലാം. ഇവ ഇടപാടുകാർക്ക് അയച്ചുകൊടുക്കും.

1.25 ല​ക്ഷം രൂ​പ​ക്ക്​ സ്വി​ഫ്​​റ്റ്​ വിൽ‌ക്കുന്നു എന്നതാണ് ഇവരുടെ പ​ര​സ്യം . തി​ര​ു​വ​ന​ന്ത​പു​ര​ത്തു​നി​ന്ന്​ ഹി​മാ​ച​ലി​ലേക്കുള്ള സ്ഥ​ലം​മാ​റ്റ​മാണ് വിൽപനയ്ക്ക് കാരണമായി പറയുന്നത്. അ​ഡ്വാ​ൻ​സാ​യി 5000 രൂ​പ​ ആവശ്യപ്പെടും. പാർസൽ സർവീസ് ചാർജായാണ് ഈ പണം ആവശ്യപ്പെടുന്നത്.  മി​ലി​റ്റ​റി പോ​സ്​​റ്റ​ൽ സ​ർ​വി​സി​ന്റെ സീലുള്ള വ്യാ​ജ ര​സീ​തും ന​ൽ​കും. ഇതിനു പിന്നാലെ 10,000 രൂ​പ കൂ​ടി ഉ​ട​ൻ കൈ​മാ​റ​ണ​മെ​ന്നും ആ​വ​​ശ്യ​പ്പെ​ടും. പിന്നീട് വിളിച്ചാൽ ഇവരെ ഫോണിൽ കിട്ടുകയുമില്ല.

എ​റ​ണാ​കു​ളം കൈ​താ​രം സ്വ​ദേ​ശി​നി മേ​രി​യു​ടെ പേ​രി​ൽ ഉ​ട​മ​സ്ഥാ​വ​കാ​ശ​മു​ള്ള കെ.​എ​ൽ 26 സി 2800 ​എ​ന്ന സ്വി​ഫ്​​റ്റ്​ കാ​ർ വി​ൽ​ക്കാ​നു​ണ്ടെ​ന്ന പു​തി​യ പ​ര​സ്യ​വു​മാ​യി ത​ട്ടി​പ്പു​സം​ഘം വീ​ണ്ടും ഒ.​എ​ൽ.​എ​ക്​​സി​ൽ സജീവമായിരിക്കുന്നത്. 90,000 രൂ​പ​യാ​ണ്​ ഈ കാറിന് സംഘം വിലയിട്ടിരിക്കുന്നത്.