കുപ്രസിദ്ധ മോഷ്ടാവ് ബണ്ടി ചോർ കസ്റ്റഡിയിൽ; പിടിയിലായത് എറണാകുളത്ത് നിന്ന്

ഒരു കേസുമായി ബന്ധപ്പെട്ട് ഹൈക്കോടതിയൽ ഹാജരാകാൻ വേണ്ടിയാണ് എറണാകുളത്ത് എത്തിയതെന്നാണ് ബണ്ടി ചോർ പൊലീസിനോട് പറഞ്ഞത്. എന്നാൽ ഏത് കേസാണെന്ന കാര്യത്തിൽ വ്യക്തത വന്നിട്ടില്ല. പൊലീസ് വിവരങ്ങൾ പരിശോധിച്ച് വരികയാണ്. നിലവിൽ പൊലീസ് കസ്റ്റഡിയിലാണ് ബണ്ടി ചോർ.

കേരളത്തിൽ നിലവിൽ ബണ്ടി ചോറിനെതിരെ കോസില്ലെന്നാണ് പൊലീസ് പറയുന്നത്. ഇയാളുടെ കയ്യിലുണ്ടായിരുന്ന ബാഗിൽ വസ്ത്രങ്ങളും മറ്റുമല്ലാതെ മോഷണത്തിനുപയോഗിക്കുന്ന ഉപകരണങ്ങളോ സംശയാസ്പദമായ വസ്തുക്കളോ ഒന്നും തന്നെ ഉണ്ടായിരുന്നില്ല എന്ന് പൊലീസ് പറഞ്ഞു. നേരത്തെ ഇയാളെ ആലപ്പുഴയിൽ കണ്ടതായി വിവരം ലഭിച്ചിരുന്നെങ്കിലും അന്ന് കണ്ടെത്താൻ കഴിഞ്ഞിരുന്നില്ല. മുൻപ് കേരളത്തിൽ ഒരു വലിയ മോഷണം നടത്തുകയും അതിൽ ശിക്ഷ അനുഭവിക്കുകയും ചെയ്തിട്ടുണ്ട്.