ഇൻഷുറൻസ് തുക തട്ടാന്‍ സൂപ്പർമാർക്കറ്റിന് തീവെച്ച കടയുടമ അറസ്റ്റില്‍

വയനാട്: തലപ്പുഴ ടൗണിലെ ഗ്രാൻഡ് സൂപ്പര്‍ മാര്‍ക്കറ്റ് കത്തിനശിച്ച സംഭവത്തില്‍ കടയുടമ വാളാട് കൊത്തറ കൊപ്പര വീട്ടില്‍ മുഹമ്മദ് റൗഫ് (29) അറസ്റ്റിൽ. തലപ്പുഴ പൊലീസാണ് റൗഫിനെ അറസ്റ്റ് ചെയ്തത്. ഇക്കഴിഞ്ഞ ഫെബ്രുവരി 26നാണ് തലപ്പുഴ  ടൗണിലുള്ള ഗ്രാൻഡ് സൂപ്പർ മാർക്കറ്റിനു തീപിടിച്ചത്. വിവരമറിഞ്ഞ് സ്ഥലത്തെത്തിയ അഗ്‍നിരക്ഷാ സേനയും പൊലീസും ചേർന്നാണ് നാട്ടുകാരുടെ സഹായത്തോടെ തീയണച്ചത്. തീപ്പിടിത്തത്തിൽ സൂപ്പർ മാർക്കറ്റിന്റെ മൂന്നുകടമുറികൾ പൂർണമായും കത്തിനശിച്ചിരുന്നു. മാനന്തവാടി അഗ്നിരക്ഷാനിലയത്തിൽനിന്നുള്ള മൂന്നു യൂണിറ്റുകളും കല്പറ്റയിൽനിന്നെത്തിയ ഒരു യൂണിറ്റും ചേർന്ന് മണിക്കൂറുകളോളം പരിശ്രമിച്ചാണ് തീയണച്ചത്.