'ജീവനോടെയുണ്ടെങ്കിൽ വേട്ടയാടി കൊല്ലും' നെതന്യാഹു കൊല്ലപ്പെട്ടെന്ന അഭ്യൂഹങ്ങൾക്കിടെ ഇറാൻ 

പശ്ചിമേഷ്യയിൽ യുദ്ധം രൂക്ഷമാകുന്നതിനിടെ ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിനെ ലക്ഷ്യമിടുന്നത് തുടരുമെന്ന് ഇറാന്റെ ഇസ്‌ലാമിക് റെവല്യൂഷണറി ഗാർഡ് കോർപ്സ് (IRGC). നെതന്യാഹുവിനെ ഒരു ക്രിമിനൽ സയണിസ്റ്റ് പ്രധാനമന്ത്രി എന്ന് വിശേഷിപ്പിച്ച ഐആർജിസി, അദ്ദേഹം ജീവനോടെയുണ്ടെങ്കിൽ പിന്തുടർന്ന് വധിക്കാനുള്ള ശ്രമങ്ങൾ തുടരുമെന്ന് പ്രസ്താവനയിലൂടെ വ്യക്തമാക്കി. കുറ്റവാളിയും പിഞ്ചുകുഞ്ഞുങ്ങളുടെ ഘാതകനുമായ നെതന്യാഹുവിനെ വിടാതെ പിന്തുടരുമെന്നും അവർ കൂട്ടിച്ചേർത്തു. മേഖലയിലെ ഇസ്രായേൽ സൈനിക കേന്ദ്രങ്ങളെയും യുഎസ് സൈനിക താവളങ്ങളെയും ലക്ഷ്യമിട്ട് നടത്തിയ 'ഓപ്പറേഷൻ ട്രൂ പ്രോമിസ് 4'-ന്റെ 52-ാം ഘട്ടത്തിന്റെ ഭാഗമായാണ് പ്രസ്താവന പുറത്തുവന്നത്.