ക്ഷേത്രത്തിൽ മോഷ്ടിക്കാൻ കയറി; ഉറങ്ങിപ്പോയ കള്ളനെ വിളിച്ചുണർത്തി പൊലീസ്

സ്ഥലത്തുള്ള ലാൽഭായ്-ഫൂൽഭായ് മാതാ ക്ഷേത്രത്തിലാണ് മോഷണത്തിനായി രാത്രി കള്ളൻ എത്തിയത്. ക്ഷേത്രത്തിന്റെ പൂട്ട് കുത്തിത്തുറന്ന് അകത്തു കയറിയ കള്ളൻ അവിടെ കിടന്ന് ഉറങ്ങിപ്പോയെന്ന് സീ ന്യൂസ് റിപ്പോർട്ട് ചെയ്യുന്നു.

ക്ഷേത്രത്തിനുള്ളിൽ കടന്ന കള്ളൻ മോഷണമെല്ലാം നടത്തി അൽപ്പനേരം വിശ്രമിക്കാൻ തീരുമാനിച്ചതാണ് പണി പാളിയത്. രാവിലെ ക്ഷേത്രത്തിലെ ജീവനക്കാരൻ എത്തിയപ്പോഴാണ് ഉറങ്ങിക്കിടക്കുന്ന കള്ളനെ കണ്ടത്. തൊട്ടടുത്ത് മോഷണമുതലും. ജീവനക്കാരനാണ് പൊലീസിനെ വിവരം അറിയിച്ചത്.

ഇതൊന്നും അറിയാതെ കള്ളൻ സുഖ നിദ്രയിലായിരുന്നു. പൊലീസ് എത്തുമ്പോൾ കട്ടിലിൽ കിടന്നുറങ്ങുന്ന കള്ളനെയാണ് കാണുന്നത്. അൽപ്പ നേരത്തെ ശ്രമത്തിനൊടുവിലാണ് പൊലീസിന് കള്ളനെ ഉറക്കത്തിൽ നിന്നും ഉണർത്താനായത്. കണ്ണ് തുറന്ന കള്ളന്റെ പ്രതികരണമാണ് പൊലീസിനെ വീണ്ടും ഞെട്ടിച്ചത്.

അതേസമയം, കള്ളന്റെ മണ്ടത്തരത്തിൽ അന്തംവിട്ടിരിക്കുകയാണ് നാട്ടുകാർ. മോഷ്ടിക്കാൻ കയറിയ ആൾ അവിടെ കിടന്നു ഉറങ്ങിയതിലെ അത്ഭുതമാണ് നാട്ടുകാർക്ക്. ദൈവത്തിന്റെ അത്ഭും എന്നാണ് നാട്ടുകാർ പറയുന്നത്.

ഏതാനും നാൾ മുമ്പും ഇതേ ക്ഷേത്രത്തിൽ മോഷണ ശ്രമം നടന്നിരുന്നതായി ജീവനക്കാരൻ പറയുന്നു. അന്ന് മോഷണമുതലുമായി രക്ഷപ്പെട്ട കള്ളൻ ദിവസങ്ങൾക്ക് ശേഷം മോഷണമുതലെല്ലാം തിരികേ കൊണ്ടുവന്ന് വെക്കുകയായിരുന്നു.