'സംശയരോഗി'യായ ഭർത്താവിനെ കള്ളിൽ ഉറക്കഗുളിക ചേർത്ത് കൊലപ്പെടുത്തിയ ഭാര്യ കസ്റ്റഡിയിൽ

ദമ്പതികൾ നല്ല ബന്ധത്തിലായിരുന്നില്ലെന്നാണ് പൊലീസ് നൽകുന്ന വിവരം. ഇവർക്കിടയിൽ വഴക്ക് പതിവായിരുന്നു. ഗിഷനെതിരെ ആയിഷ പൊലീസിൽ ഗാർഹിക പീഡന പരാതിയും നൽകിയിരുന്നു. ഈയിടെയായി ആയിഷയ്ക്ക് വിവാഹേതര ബന്ധമുണ്ടെന്ന സംശയമായിരുന്നു ഗിഷന്. ഇത് വഴക്കിന് കാരണമായിരുന്നു. കുറച്ച് ദിവസങ്ങൾക്ക് മുൻപും ഗിഷന്റെ സംശയത്തിന്റെ പേരിൽ ഇരുവരും വഴക്കിട്ടിരുന്നു.

ഇതിന് പിന്നാലെ ഗിഷനെ ഇല്ലാതാക്കാൻ ആയിഷ പദ്ധതിയിട്ടതായാണ് പൊലീസ് സംശയിക്കുന്നത്. രണ്ട് ദിവസം മുൻപ് കള്ളിൽ ഉറക്കഗുളികകൾ കലർത്തി ഗിഷനെ കുടിപ്പിച്ചതായാണ് ആരോപണം. താമസിയാതെ അയാൾ അബോധാവസ്ഥയിലായി. ഇതോടെ ഭയന്നുപോയ ആയിഷ ഗിഷനെ അടുത്തുള്ള ആശുപത്രിയിലെത്തിച്ചു. പക്ഷേ അവിടെ ചികിത്സയിലിരിക്കെ ഗിഷൻ മരിച്ചു.

പോസ്റ്റ്മോർട്ടം കഴിഞ്ഞതിന് പിന്നാലെ പൊലീസ് ക്രിമിനൽ കേസ് രജിസ്റ്റർ ചെയ്തു. കസ്റ്റഡിയിലുള്ള ആയിഷയെ ചോദ്യം ചെയ്തുവരികയാണെന്ന് പൊലീസ് അറിയിച്ചു.

Summary: Young man died after allegedly being made to drink toddy laced with sleeping pills by his wife in Saidabad.