'ശരീരത്തിൽ ദുരാത്മാവ് കുടിയേറി'; യുവതിയുടെ ശരീരത്തിൽ ചുട്ടുപഴുത്ത ഇരുമ്പ് ദണ്ഡ് പ്രയോഗം

ഇതിന് പിന്നാലെ മൂന്ന് സ്ത്രീകൾ അടക്കം അഞ്ച് പേർ ചേർന്ന് സ്ത്രീയെ ബലം പ്രയോഗിച്ച് ക്ഷേത്രത്തിനുള്ളിലേക്ക് കൊണ്ടുപോയി. ഇവിടെ വെച്ച് ചുട്ടുപഴുത്ത ഇരുമ്പ് ദണ്ഡ് കൊണ്ട് ദേഹത്ത് പൊളിക്കുകയായിരുന്നു. ആത്മാവിനോട് ദേഹം ഉപേക്ഷിച്ച് പോകാൻ ആവശ്യപ്പെട്ട് അഞ്ചംഗ സംഘം സ്ത്രീയെ മാരകമായി മർദിക്കുകയും ചെയ്തു.

വേദന കൊണ്ട് പുളഞ്ഞ സ്ത്രീ അലറി നിലവിളിച്ചെങ്കിലും ദുരാത്മാവിനെ ഓടിക്കാതെ നിർത്തില്ലെന്ന വാശിയിലായിരുന്നു സംഘം. ഒടുവിൽ സ്ത്രീ ബോധരഹിതയായി വീണു. ആത്മാവിനെ ശരീരത്തിൽ നിന്നും ഒഴിപ്പിച്ചെന്നും പരിക്കേറ്റ സ്ത്രീക്ക് ചികിത്സ നടത്തണമെന്നുമായിരുന്നു ബന്ധുക്കളോട് 'ബാധ ഒഴിപ്പിക്കലിന്' നേതൃത്വം നൽകിയ സ്ത്രീ പറഞ്ഞത്. നടന്ന കാര്യങ്ങൾ പുറത്ത് പറയരുതെന്നും സന്തോഷി ദേവി ബന്ധുക്കളോട് ആവശ്യപ്പെട്ടു.