മുൻവൈരാഗ്യം; മധ്യവയസ്കനെ കുത്തി കൊലപ്പെടുത്താൻ ശ്രമിച്ച കേസിൽ യുവാവ് അറസ്റ്റിൽ

തിരുവനന്തപുരം: മധ്യവയസ്കനെ കുത്തി കൊലപ്പെടുത്താൻ ശ്രമിച്ച കേസിൽ യുവാവ് അറസ്റ്റിൽ. കൊടുവഴന്നൂർ, മീൻതാങ്ങി, ഏറപ്ലാവിള വീട്ടിൽ അഭിലാഷ് (36) ആണ് അറസ്റ്റിലായത്.  കൊടുവഴന്നൂർ പൊയ്കക്കട സ്വദേശി കുഞ്ഞുമോൻ എന്ന് വിളിക്കുന്ന പ്രസന്നൻ (56) ആണ് കുത്തേറ്റത്. ശനിയാഴ്ച വൈകുന്നേരം 5.45 ന് പൊയ്കക്കട ചന്തയ്ക്ക് സമീപമായിരുന്നു സംഭവം. റബ്ബർ തോട്ടത്തിലൂടെ വീട്ടിലേയ്ക്ക് നടന്നു പോകുകയായിരുന്ന പ്രസന്നനെ ബൈക്കിൽ വന്നിറങ്ങിയ പ്രതി പുറകിലുടെ നടന്നുവന്ന് ഷർട്ടിന്റെ കോളറിൽ പിടിച്ച് തടഞ്ഞു നിർത്തി അരയിൽ കരുതിയിരുന്ന അഗ്രഭാഗം വളഞ്ഞ കത്തി കൊണ്ട് കഴുത്തിനു നേരെ കുത്തുകയായിരുന്നു. പ്രസന്നൻ ഒഴിഞ്ഞു മാറിയതിനെ തുടർന്ന് ചെവിയുടെ മുകൾ ഭാഗത്തായി തലയിൽ കുത്തേറ്റു.