Central Vista | സെൻട്രൽ വിസ്ത: അഗ്നിപ്രതിരോധ ടവറുകൾ മുതൽ കമ്പാർട്ട്മെൻ്റുകൾ വരെ: തീപിടിത്തത്തിൽ നിന്ന് സുരക്ഷ നൽകുന്ന 10 സവിശേഷതകൾ

പാർലമെൻ്റ് കെട്ടിടത്തിനും മറ്റ് നിർമ്മിതികൾക്കും വീതിയുള്ള അപ്രോച്ച് റോഡും തീപിടിത്തം ഉണ്ടായാൻ അഗ്നിശമന സേനയ്ക്ക് എളുപ്പത്തിലും സുഗമമായും സഞ്ചരിക്കാൻ കഴിയുന്ന ആന്തരിക റോഡുകളും ഉണ്ടാകണം എന്നതായിരുന്നു പദ്ധതിയുടെ തുടക്കത്തിലെ ആദ്യ പരിഗണന.

പടിക്കെട്ടുകൾക്ക് ആവശ്യത്തിന് വീതി ഉണ്ടായിരിക്കണമെന്നും രക്ഷാപ്രവർത്തനം എളുപ്പമാക്കാൻ പടികളുടെ എണ്ണം കുറയ്ക്കണമെന്നും കെട്ടിടത്തിൻ്റെ നിർമ്മാണ ചുമതലയുള്ള ആർക്കിടെക്റ്റുകളോട് ഫയർ ഡിപ്പാർട്ട്മെൻ്റ് വ്യക്തമാക്കിയിരുന്നു. ആളുകളുടെ എണ്ണം, കെട്ടിടത്തിൻ്റെ ഉയരവും ഫ്ലോറുകളുടെ എണ്ണവും, കയറാനും ഇറങ്ങാനുമുള്ള വഴികളുടെ എണ്ണം ഇങ്ങനെ വിവിധ കാര്യങ്ങളെ ആശ്രയിച്ചാണ് പടികളുടെ വീതിയും എണ്ണവും തീരുമാനിക്കുന്നത്. നിരവധി ആളുകൾ ഒരുമിച്ച് പുറത്തിറങ്ങാൻ ശ്രമിക്കുമ്പോൾ നീളം കൂടിയതും വീതി കുറഞ്ഞതുമായ പടിക്കെട്ടുകൾ തടസ്സം സൃഷ്ടിച്ചേക്കാം എന്ന് ഉദ്യോഗസ്ഥർ വ്യക്തമാക്കി.

തീപിടിത്തം ഉണ്ടായാൽ, ഏത് സെൻട്രൽ വിസ്ത കെട്ടിടത്തിലെയും വരാന്തയിലൂടെ രക്ഷപെടാൻ ശ്രമിക്കുന്നവർക്ക് ഏറ്റവും കുറഞ്ഞ ദൂരത്തിൽ ഇത് സാധ്യമാകണം. നിയമപ്രകാരം ഓരോ 15 മീറ്റർ കഴിയുമ്പോഴും കെട്ടിടത്തിൻ്റെ ഏതെങ്കിലും അറ്റം കാണണം. അങ്ങനെയാണെങ്കിൽ പുറത്തിറങ്ങാനുള്ള വഴി കണ്ടെത്താൻ ആളുകൾക്ക് അധിക ദൂരം സഞ്ചരിക്കേണ്ടി വരില്ല.

നിലയുടെ വലിപ്പമനുസരിച്ച് സെൻട്രൽ വിസ്തയിലെ ഓരോ നിലയും രണ്ടോ അതിലധികമോ കമ്പാർട്ട്മെൻ്റുകളായി തിരിച്ചിട്ടുണ്ട്. ഓരോ കമ്പാർട്ട്മെൻ്റിനെയും “അഗ്നി പ്രതിരോധ വാതിലിലൂടെ” അടുത്തതുമായി ബന്ധിപ്പിച്ചിട്ടുണ്ട്. തീ പടരുന്നത് തടയാൻ ഇത് സഹായിക്കുമെന്ന് വിദഗ്ദ്ധർ പറയുന്നു.

തീ കെടുത്തുന്നതും രക്ഷാപ്രവർത്തനവും എളുപ്പമാക്കാൻ ഏതൊരു കെട്ടിടത്തിനും സമാന്തരമായി നിർമ്മിക്കുന്ന ടവറുകളാണിത്. ഇതിൽ നിന്ന് എല്ലാ ഫ്ലോറിലേക്കും പ്രവേശനമുണ്ടാകും. ഈ ടവറുകളിൽ, മർദ്ദം ക്രമീകരിക്കുന്ന സംവിധാനമുള്ള ഇരട്ട അഗ്നി പ്രതിരോധ വാതിലുകൾ എല്ലാ ഫ്ലോറിലും ഉണ്ടാകും.

പടികളിലും ലിഫ്റ്റ് ലോബികളിലും പുകയും ചൂടുള്ള വായുവും കടക്കുന്നത് തടയാൻ ആക്സിൽ ഫാനുകൾ ഉപയോഗിച്ച് മർദ്ദം ക്രമീകരിക്കുന്ന സംവിധാനമാണിത്. ഇത് അഗ്നിശമന സേനാ പ്രവർത്തകരുടെയും രക്ഷാപ്രവർത്തകരുടെയും പ്രവേശനം എളുപ്പമാക്കുകയും പുക പടരുന്നത് തടയുകയും ചെയ്യുന്നു.

കെട്ടിടത്തിൽ മെക്കാനിക്കൽ വെൻ്റിലേഷൻ്റെ ഉപയോഗം ഉറപ്പാക്കിയിട്ടുണ്ട് എന്ന് ഒരു ഉദ്യോഗസ്ഥൻ വ്യക്തമാക്കി. “എക്സ്ഹോസ്റ്റ് ഫാനുകൾ സ്ഥാപിക്കുന്നതും ഘടനാപരമായ മാറ്റങ്ങളോടെ ആവശ്യമായ വെൻ്റിലേഷനുകൾ നിലനിർത്തുന്നതും, പുക പെട്ടെന്ന് കെട്ടിടത്തിന് പുറത്തെത്തിക്കും,” അദ്ദേഹം കൂട്ടിച്ചേർത്തു.

സെൻട്രൽ വിസ്തയിൽ അഗ്നിസുരക്ഷാ സവിശേഷതകൾ ഉൾപ്പെടുത്തുന്നത് സംബന്ധിച്ച് അഗ്നിസുരക്ഷാ വിഭാഗവും സുരക്ഷാ ഏജൻസികളും തമ്മിൽ തർക്കമുണ്ടായത് കെട്ടിടത്തിൻ്റെ മേൽക്കൂരയിലേക്കുള്ള പ്രവേശനത്തെ സംബന്ധിച്ചായിരുന്നു.

ഡിഎഫ്എസ്സിൻ്റെ ശുപാർശയെ തുടർന്ന്, ഉയരം കൂടിയ എല്ലാ കെട്ടിടങ്ങളിലും അഗ്നിപ്രതിരോധ ലിഫ്റ്റ് ലോബികൾ സ്ഥാപിക്കാൻ ആർക്കിടെക്റ്റുകൾ പ്രത്യേകം ശ്രദ്ധിച്ചു.

ഘടനാപരവും രൂപകൽപ്പന സംബന്ധിച്ചതുമായ മാറ്റങ്ങൾക്ക് പുറമേ, കെട്ടിടത്തിൽ അഗ്നിപ്രതിരോധ ഉപകരണങ്ങളും സംവിധാനങ്ങളും സ്ഥാപിക്കാനു ഡിഎഫ്എസ് നിർദ്ദേശിച്ചിട്ടുണ്ട്. ഫയർ എക്സ്റ്റ്വിങ്വിഷറുകൾ, ഹോസ് റീലുകൾ, ഓട്ടോമാറ്റിക് ഫയർ ഡിറ്റക്ഷൻ-വാട്ടർ സ്പ്ലിങ്ക്ളർ സംവിധാനം, മാനുവൽ ഫയർ അലാറം, ഡൗൺ-കോമർ, വെറ്റ് റൈസർ, ആന്തരികവും ബാഹ്യവുമായ ഹൈഡ്രൻ്റുകൾ എന്നിവയ്ക്ക് പുറമേ ജല പമ്പുകൾ സഹിതം ഭൂമിക്കടിയിലും കെട്ടിടങ്ങൾക്ക് മുകളിലും വാട്ടർ ടാങ്കുകളും സ്ഥാപിക്കും.