ഇന്ത്യയിൽ നിരോധിച്ചിട്ടുള്ള തോക്കിന് 6-7 ലക്ഷം രൂപ വില; ആതിഖ് അഹമ്മദിനെയും സഹോദരനെയും വെടിവെച്ച തോക്കിനെക്കുറിച്ച് അറിയാം

ഗുണ്ടാസംഘമായി മാറിയ രാഷ്ട്രീയക്കാരനായ അതിഖ് അഹമ്മദിനെയും സഹോദരൻ അഷ്‌റഫിനെയും വെടിവെച്ച് കൊന്ന മൂന്ന് അക്രമികളും ഇന്ത്യയിൽ നിരോധിച്ചിട്ടുള്ള അത്യാധുനിക സിഗാന പിസ്റ്റളുകളാണ് ഉപയോഗിച്ചതെന്ന് ഐഎഎൻഎസ് റിപ്പോർട്ട് ചെയ്യുന്നു. തുർക്കിയിൽനിന്നുള്ള തോക്ക് നിർമ്മാണ കമ്പനിയായ ടിസാസ് നിർമ്മിക്കുന്ന സെമി ഓട്ടോമാറ്റിക് പിസ്റ്റളാണ് സിഗാന. പ്രസ്തുത പിസ്റ്റളുകളുടെ നിർമ്മാണം 2001 മുതലാണ് ആരംഭിച്ചത്. ഇതിന്‍റെ ആദ്യകാല ബാച്ചിൽപ്പെട്ടതും തുർക്കിയിൽ മാത്രം ലഭ്യമാകുന്നതുമായ പിസ്റ്റളാണ് സിഗാന. ഇവ ഇന്ത്യയിൽ നിരോധിച്ച പിസ്റ്റളാണ്. ഏകദേശം 6 മുതൽ 7 ലക്ഷം രൂപ വരെയാണ് ഈ പിസ്റ്റളുകളുടെ വില.