ഇത്തവണ മൺസൂൺ സാധാരണ നിലയിലായിരിക്കും; എൽ നിനോ സാധ്യത തള്ളാതെ കാലാവസ്ഥാ വകുപ്പ്

എന്നാൽ മൺസൂൺ കാലത്ത് എൽ നിനോ പ്രതിഭാസത്തിന് സാധ്യതയുണ്ടെന്നും എൽനിനോയുടെ ആഘാതത്തെക്കുറിച്ച് പരിശോധിച്ച കാലാവസ്ഥാ വകുപ്പ് പറഞ്ഞു. പക്ഷെ ജൂലൈയ്ക്ക് ശേഷമുള്ള രണ്ടാം പകുതിയിൽ മാത്രമേ അതിന്റെ സ്വാധീനം മൺസൂണിൽ കാണാൻ കഴിയൂ. എൽനിനോ സാധ്യതയുള്ള വർഷങ്ങൾ എല്ലാം സാധാരണ മഴയെക്കാൾ കുറവായിരിക്കണമെന്നില്ല എന്നും കാലാവസ്ഥാ ശാസ്ത്രജ്ഞർ ഉറപ്പിച്ചു പറയുന്നു.

ലാ നിനയും എൽ നിനോയും സാധാരണയായി എൽ നിനോ പ്രതിഭാസം ഇന്ത്യയിലെ കാലവർഷത്തെ പ്രതികൂലമായും ലാ നിന പ്രതിഭാസം അനുകൂലമായുമാണ് ബാധിക്കുന്നത്. പക്ഷെ ഇത്തവണ ലാ നിന ഇന്ത്യയിലെ കാലവർഷത്തെ പ്രതികൂലമായി ബാധിച്ചേക്കാമെന്ന് കാലാവസ്ഥാ വി​​ഗദ്ധർ പറയുന്നു. ഭൂമധ്യ രേഖാപ്രദേശത്ത് ശാന്തസമുദ്രത്തിലെ ജലത്തിന്റെ താപനില ക്രമാതീതമായി താഴുന്ന പ്രതിഭാസത്തെയാണ് ലാ നിന എന്നു പറയുന്നത്. പസിഫിക് സമുദ്രത്തിന്റെ തെക്കുകിഴക്കൻ ഭാഗം ചൂടു പിടിക്കുന്ന പ്രതിഭാസമാണ് എൽ നിനോ എന്നറിയപ്പെടുന്നത്.