ആന്ധ്രയുടെ ആശയക്കുഴപ്പം; തലസ്ഥാനമായി വിശാഖപട്ടണത്തേക്ക് മുഖ്യമന്ത്രി ജഗൻ മോഹൻ റെഡ്ഡി എത്തിയതെങ്ങനെ?

മൂന്ന് തലസ്ഥാനങ്ങളെന്ന ആശയം 2015ലാണ് ജഗൻ മോഹൻ റെഡ്ഡി സർക്കാർ മുന്നോട്ടുവെച്ചത്. എന്നാൽ അതിനായി നിയമം ഉണ്ടാക്കാൻ കഴിയില്ലെന്ന് ഹൈക്കോടതി കഴിഞ്ഞ വർഷം പ്രഖ്യാപിച്ചതോടെ തലസ്ഥാന കാര്യത്തിൽ സർക്കാരും പ്രതിസന്ധിയിലായി. ഇപ്പോൾ വിശാഖപട്ടണം തലസ്ഥാനമാകുമെന്ന് പ്രഖ്യാപിച്ചെങ്കിലും മുഖ്യമന്ത്രിയുടെ മനസിൽ ഇപ്പോഴും വിശാഖപട്ടണം-അമരാവതി-കുർണൂൽ എന്ന ത്രൈ-തലസ്ഥാന പദ്ധതിയുണ്ടെന്നാണ് അദ്ദേഹവുമായി അടുപ്പമുള്ളവർ പറയുന്നത്.

നിലവിൽ സുപ്രീം കോടതിയുടെ പരിഗണനയിലുള്ള കേസിൽ ആന്ധ്രയിലെ വൈഎസ്ആർസിപി സർക്കാർ അപ്പീൽ നൽകിയിട്ടുണ്ട്. വിശാഖപട്ടണത്തെക്കുറിച്ചുള്ള അവകാശവാദം റെഡ്ഡി ഉന്നയിച്ചത്, അവിടെ നടക്കുന്ന ഒരു നിക്ഷേപ കൺവെൻഷനെ പ്രോത്സാഹിപ്പിക്കുന്നതിനിടയിൽ തീരദേശ നഗരത്തെ ഭരണനിർവ്വഹണ തലസ്ഥാനമെന്ന നിലയിൽ തന്നെയാണ്.

എന്നാൽ 2019ൽ ജഗൻ മോഹൻ റെഡ്ഡി അധികാരമേറ്റതിന് ശേഷം മൂന്ന് തലസ്ഥാനങ്ങൾ വേണമെന്നായിരുന്നു അന്നത്തെ സംസ്ഥാന സർക്കാരിന്റെ ആവശ്യം.

വിശാഖപട്ടണം – ഭരണനിർവ്വഹണ തലസ്ഥാനം

അമരാവതി-നിയമനിർമ്മാണ തലസ്ഥാനം

കുർണൂൽ-നീതിന്യായ തലസ്ഥാനം

ഇതിനായി അധികാര വികേന്ദ്രീകരണമെന്ന ലക്ഷ്യം മുൻനിർത്തി മൂന്ന തലസ്ഥാനങ്ങൾ രൂപീകരിക്കാൻ ജഗൻ മോഹൻ റെഡ്ഡി സർക്കാർ നിയമസഭയിൽ ഒരു നിയമം പാസാക്കുകയും ചെയ്തു. എന്നാൽ പഴുതുകൾ പരിഹരിച്ച് സമഗ്രവും സമ്പൂർണ്ണവും മികച്ചതുമായ ബിൽ സർക്കാർ പുതിയതായി കൊണ്ടുവരുമെന്ന് മുഖ്യമന്ത്രി ജഗൻ നിയമസഭയിൽ പറഞ്ഞിരുന്നു.

എന്നാൽ ഹൈക്കോടതി ഉത്തരവിനെതിരെ സംസ്ഥാന സർക്കാർ സുപ്രീം കോടതിയിൽ ഹർജി നൽകി.

അതിനിടെ അമരാവതിയുടെ വികസനത്തിനും ഹൈക്കോടതി സമയക്രമം നിശ്ചയിച്ചു. സുപ്രീം കോടതിയിൽ കേസ് നടക്കുന്നുണ്ടെങ്കിലും മൂന്ന് തലസ്ഥാന വിഷയത്തിൽ സർക്കാർ പുതിയ ബിൽ കൊണ്ടുവരുമെന്ന് മുഖ്യമന്ത്രിയുൾപ്പടെ വിവിധ മന്ത്രിമാർ ആവർത്തിച്ച് വ്യക്തമാക്കുകയും ചെയ്തു

Also Read- വിശാഖപട്ടണം ആന്ധ്രപ്രദേശിന്റെ പുതിയ തലസ്ഥാനം; പ്രഖ്യാപനവുമായി മുഖ്യമന്ത്രി ജഗൻ മോഹൻ റെഡ്ഡി

പുതിയ തലസ്ഥാനം സ്ഥാപിക്കുമെന്ന് മുൻകൂട്ടി അറിഞ്ഞ ചിലർ ഭാവിയിലെ സാമ്പത്തിക കുതിച്ചുചാട്ടം പ്രതീക്ഷിച്ച് അമരാവതിയിലും സമീപപ്രദേശങ്ങളിലും വസ്തുവകകൾ വാങ്ങിക്കൂട്ടിയതായാണ് തെരഞ്ഞെടുപ്പ് പ്രചരണവേളയിൽ ജഗൻ മോഹന്‍റെ പാർട്ടി ആരോപിച്ചത്. 2014ൽ ഇത്തരത്തിൽ 4000 ഏക്കറിലധികം സ്ഥലം പലരും വാങ്ങിക്കൂട്ടിയതായി സംസ്ഥാന സർക്കാർ കേന്ദ്രത്തിന് നൽകിയ റിപ്പോർട്ടിൽ വ്യക്തമാക്കുന്നുണ്ട്.

എന്നാൽ തന്‍റെ ഭാഗത്ത് തെറ്റ് സംഭവിച്ചിട്ടില്ലെന്നും വൈഎസ്ആർസിപി സർക്കാർ പുതിയ തലസ്ഥാനം സ്ഥാപിക്കുന്നതിനായി കർഷകരിൽ നിന്ന് ആദ്യം വാങ്ങിയ ഭൂമി വിൽക്കുന്നത് എന്തുകൊണ്ടാണെന്നും എൻ ചന്ദ്രബാബു നായിഡു ചോദിച്ചിരുന്നു. അമരാവതിയിൽ സർക്കാർ ജീവനക്കാർക്കായി നിർമ്മിച്ച റെസിഡൻഷ്യൽ ടവറുകൾ സ്വകാര്യ കമ്പനികൾക്ക് പാട്ടത്തിന് നൽകാനുള്ള ആന്ധ്രാപ്രദേശ് ക്യാപിറ്റൽ റീജിയൻ ഡെവലപ്‌മെന്റ് അതോറിറ്റിയുടെ തീരുമാനത്തെ പ്രതിപക്ഷ നേതാവ് കുറച്ച് മാസങ്ങൾക്ക് മുമ്പ് നിശിതമായി വിമർശിച്ചിരുന്നു.