മരണം മണക്കുന്ന കാട്; ജപ്പാനിലെ ഈ നി​ഗൂഢ വനത്തിനു പറയാൻ കഥകളേറെ

ടോക്കിയോയിൽ നിന്ന് ഏതാനും മണിക്കൂറുകൾ മാത്രം അകലെയുള്ള ഒരു പ്രശസ്തമായ ഹൈക്കിംഗ് ഡെസ്റ്റിനേഷൻ കൂടിയാണ് ഓക്കിഗഹാര. എന്നാൽ ശുദ്ധവായു ആസ്വദിക്കാനും മനം കവരുന്ന കാഴ്ചകൾ കാണാനുമല്ല പലരും ഇവിടേക്കു വരുന്നത്. പലരും ആത്മഹത്യ ചെയ്യാനായി തിരഞ്ഞെടുക്കുന്ന ഒരു സ്ഥലമാണിത്. കൊടും കാടായ ഓക്കിഗഹായിൽ നിരവധി ആളുകൾ ആത്മഹത്യ ചെയ്തിട്ടുള്ളത് കൊണ്ടാണ് ഈ കാടിന് ആത്മഹത്യാ വനം എന്ന് പേര് വന്നത്.

യമനാഷി സർക്കാരിന്റെ (Yamanashi government) കണക്കനുസരിച്ച്, 2013 നും 2015 നും ഇടയിൽ മാത്രം 100-ലധികം ആത്മഹത്യകൾ ഓക്കിഗഹാര വനത്തിൽ നടന്നിട്ടുണ്ട്. പലരും വിദൂരപ്രദേശങ്ങളിൽ നിന്നും യാത്ര ചെയ്താണ് ഇവിടെ ആത്മഹത്യ ചെയ്യാനായി എത്തുന്നത്. ജീര്‍ണിച്ചഴുകിയ ശവശരീരങ്ങൾ പലപ്പോഴും മരങ്ങള്‍ക്കിടയില്‍ നിന്നാകും കണ്ടെത്തുക. ഇപ്പോൾ ജാപ്പനീസ് സർക്കാർ ഓക്കിഗഹാരയിലെ ആത്മഹത്യകളുടെ കണക്കുകൾ നൽകുന്നതു പോലും നിർത്തി.

പിന്നീട് ഇവരെ ഒരു കുഴിയിൽ ജീവനോടെ കുഴിച്ചിടും. ജീവിച്ചിരിക്കുമ്പോൾ തന്നെ ശരീരത്തെ ഒരു തരം മമ്മിയാക്കി മാറ്റുക എന്നതായിരുന്നു ഇവരുടെ ആത്യന്തിക ലക്ഷ്യം. ഈ സന്യാസിമാരുടെ മമ്മികളുടേത് എന്നു പറയപ്പെടുന്ന അവശിഷ്ടങ്ങൾ ജപ്പാനിലെ ചില സ്ഥലങ്ങളിൽ പ്രദർശിപ്പിച്ചിട്ടുണ്ട്. ഇങ്ങനെ തങ്ങളുടെ ഇഹലോക ജീവിതത്തിൽ നിന്ന് അപ്രത്യക്ഷരാകാൻ ആ​ഗ്രഹിക്കുന്ന ആളുകളാകാം ഈ കാട്ടിലെത്തി മരിക്കുന്നതെന്ന് ടോക്കിയോയിലെ മൈജി സർവകലാശാലയിലെ പൊളിറ്റിക്കൽ സയൻസ് പ്രൊഫസറായ ലിൻഡ്സെ നെൽസൺ പറയുന്നു.

ഒരിക്കൽ ജപ്പാൻ സർക്കാർ തന്നെ മുൻകൈ എടുത്ത് ഇവിടെ ആത്മഹത്യ ചെയ്യുന്നത് തടയുന്നതിനായി ഏതാനും ഉ​ദ്യോ​ഗസ്ഥരെ നിയോഗിച്ചിരുന്നു. ഈ വനത്തിലേക്കുള്ള പല പ്രവേശന കവാടങ്ങളും പോലീസ് അടച്ചിട്ടുണ്ടെങ്കിലും ആത്മഹത്യ ചെയ്യേണ്ടവർ പല വഴികളും കണ്ടെത്തി ഇപ്പോഴും എത്തുന്നുണ്ട്. ഓക്കി​ഗഹാര കാട്ടിൽ പല സ്ഥലങ്ങളിലായി ആത്മഹത്യക്കെതിരെ മുന്നറിയിപ്പു നൽകുന്ന ബോർഡുകളും സ്ഥാപിച്ചിട്ടുണ്ട്. കാര്യങ്ങൾ ഇങ്ങനെയൊക്കെ ആണെങ്കിലും ഇവിടെ ആത്മഹത്യ ചെയ്യാൻ എത്തുന്നവരുടെ എണ്ണമൊന്നും കുറഞ്ഞിട്ടില്ല എന്ന് തന്നെയാണ് കരുതപ്പെടുന്നത്.

ഓക്കിഗഹാരയിലെത്തുന്ന സംശയാസ്പദമായി തോന്നുന്ന സന്ദർശകരെ കണ്ടെത്താനും അവരെക്കുറിച്ചുള്ള വിവരങ്ങൾ അറിയിക്കാനും സർക്കാർ ചില ഉദ്യോ​ഗസ്ഥരെയും സന്നദ്ധപ്രവർത്തകരെയും പരിശീലിപ്പിച്ചിട്ടുണ്ട്. കൂടാതെ വനത്തിലെ പ്രധാന പ്രവേശന കവാടത്തിൽ സുരക്ഷാ ക്യാമറകൾ സ്ഥാപിക്കുകയും സന്ദേശങ്ങൾ പോസ്റ്റ് ചെയ്യുകയും ചെയ്തിട്ടുമുണ്ട്.