Dhanush: ഹോളിവുഡിൽ ധനുഷിന് നായിക സിഡ്നി സ്വീനി; 'സ്ട്രീറ്റ് ഫൈറ്ററിൽ' താരം എത്തുക സുപ്രധാന വേഷത്തിൽ?

ഇന്ത്യക്ക് അകത്തും പുറത്തും ഒരുപോലെ ആരാധകരുള്ള തെന്നിന്ത്യൻ താരമാണ്‌ ധനുഷ്. അഭിനയത്തോടൊപ്പം ഗായകനായും എഴുത്തുകാരനായും സംവിധായകനായും താരം കൈവെക്കാത്ത മേഖലകൾ ഇല്ല. വരുന്ന വർഷം കൂടുതൽ കളറാകാൻ താരത്തിന്റേതായി നിരവധി ചിത്രങ്ങളാണ് അണിയറയിൽ ഒരുങ്ങുന്നത്. അതേസമയം , ധനുഷ് വീണ്ടും ഹോളിവുഡിൽ അഭിനയിക്കാൻ പോകുന്നു എന്ന തരത്തിലുള്ള റിപ്പോർട്ടുകൾ പുറത്തുവരുന്നുണ്ട്. 'ദി എക്സ്ട്രാ ഓർഡിനറി ജേർണി ഓഫ് ദി ഫക്കിർ', ദി ഗ്രേമാൻ' എന്നീ സിനിമകൾക്ക് ശേഷം ധനുഷ് വീണ്ടും മറ്റൊരു ഹോളിവുഡ് സിനിമയുടെ ഭാഗമാകുന്നു എന്ന റിപ്പോർട്ടുകളാണ് ഇപ്പോൾ പുറത്തുവരുന്നത്.