Arijit Singh: ആരാധകരെ ഞെട്ടിച്ച് അരിജിത് സിങ്; പിന്നണി ഗാനരംഗത്തുനിന്ന് വിരമിക്കൽ പ്രഖ്യാപിച്ചു

"എല്ലാവർക്കും പുതുവത്സരാശംസകൾ. ഇത്രയും വർഷം ഒരു ശ്രോതാവെന്ന നിലയിൽ എനിക്ക് നൽകിയ എല്ലാ സ്നേഹത്തിനും നന്ദി പറയാൻ ഞാൻ ആഗ്രഹിക്കുന്നു. ഇനിമുതൽ ഒരു പിന്നണി ഗായകനെന്ന നിലയിൽ പുതിയ ജോലികൾ ഏറ്റെടുക്കില്ലെന്ന് സന്തോഷപൂർവം അറിയിക്കുന്നു. ഞാൻ ഇത് ഇവിടെ അവസാനിപ്പിക്കുകയാണ്. ഇതൊരു അത്ഭുതകരമായ യാത്രയായിരുന്നു," അരിജിത് സിങ് ഇൻസ്റ്റാഗ്രാമിൽ കുറിച്ചു.

പിന്നീട് തന്റെ സ്വകാര്യ അക്കൗണ്ടിലൂടെ പങ്കുവെച്ച മറ്റൊരു കുറിപ്പിൽ അദ്ദേഹം ഇങ്ങനെ കൂട്ടിച്ചേർത്തു: "ദൈവം എന്നോട് വളരെ കരുണയുള്ളവനായിരുന്നു. നല്ല സംഗീതത്തിന്റെ ആരാധകനാണ് ഞാൻ. ഭാവിയിൽ ഒരു ചെറിയ കലാകാരൻ എന്ന നിലയിൽ കൂടുതൽ കാര്യങ്ങൾ പഠിക്കാനും സ്വന്തമായി സംഗീതം സൃഷ്ടിക്കാനും ഞാൻ ശ്രമിക്കും."

"ചില ശബ്ദങ്ങൾ ഒരു തലമുറയെ അടയാളപ്പെടുത്തുന്നു, നിങ്ങളുടെ ശബ്ദം വികാരങ്ങളെയാണ് അടയാളപ്പെടുത്തിയത്. മൈക്ക് വിശ്രമിച്ചേക്കാം, പക്ഷേ നിങ്ങളുടെ മാന്ത്രികത എന്നും നിലനിൽക്കും. ഒരു കാലഘട്ടം അവസാനിക്കുന്നു, പക്ഷേ നിങ്ങളുടെ സ്വന്തം സംഗീതത്തിനായി കാത്തിരിക്കുന്നു," എന്ന് ഒരു ആരാധകൻ കുറിച്ചു. അരിജിത് സിങ് എന്ന സംഗീത സംവിധായകന്റെ ഉദയത്തിനായാണ് തങ്ങൾ കാത്തിരിക്കുന്നതെന്നും ആരാധകർ പറയുന്നു.