Prabhas 21| പ്രഭാസ് ചിത്രത്തിൽ നായികയായി ദീപിക പദുകോണ്‍; ബിഗ് ബജറ്റ് ചിത്രം 2022ൽ പുറത്തിറങ്ങും

മഹാനടിയുടെ സംവിധായകൻ നാഗ് അശ്വിന്റെ സംവിധാനത്തില്‍ പ്രഭാസിന്റെ വരാനിരിക്കുന്ന ചിത്രമാണ് പ്രഭാസ് 21. അശ്വിനി ദത്താണ് ചിത്രത്തിന്റെ നിർമാതാവ്. 2022 വേനലവധിക്കാലത്ത് ചിത്രം തീയറ്ററുകളില്‍ എത്തുമെന്നാണ് നിലവിൽ സ്ഥിരീകരിച്ചിരിക്കുന്നത്. ഈ വര്‍ഷം അവസാനത്തോടെ ചിത്രം ലോഞ്ച് ചെയ്യുമെന്നും 2021 അവസാനം വരെ ഷൂട്ടിംഗ് തുടരുമെന്നും നിര്‍മ്മാതാവ് സ്ഥിരീകരിച്ചിരുന്നു. ഇപ്പോഴിതാ ചിത്രത്തിൽ ബോളിവുഡ് താരറാണി ദീപിക പദുകോണാണ് നായികയായി എത്തുന്നതെന്നാണ് അണിയറ പ്രവർത്തകർ പുറത്ത് വിട്ടിരിക്കുന്ന പുതിയ വിവരം.