എന്റെ പൊന്നളിയാ, ഞാൻ മോഹൻലാൽ അല്ല; ചാറ്റ് സ്ക്രീൻഷോട്ടുമായി സംവിധായകൻ അനീഷ് ഉപാസന

അങ്ങനെ ലഭിച്ച ഒരു സന്ദേശമാണ് ഈ കാണുന്നത്.

മാറ്റിനി, സെക്കൻഡ്‌സ് തുടങ്ങിയ ചിത്രങ്ങളുടെ സംവിധായകനും മലയാള സിനിമ രംഗത്തെ മികച്ച സെലിബ്രിറ്റി നിശ്ചല ഛായാഗ്രാഹകനും എഴുത്തുകാരനുമൊക്കെയാണ് അനീഷ് ഉപാസന. സിനിമ കൂടാതെ മികച്ച കമേഴ്ഷ്യലുകളിലും അനീഷിന്റെ കയ്യൊപ്പു പതിയാറുണ്ട്. ഇടയ്ക്ക് പ്രിയനടൻ മോഹൻലാലിന്റെ വിശേഷം തന്റെ പോസ്റ്റുകളിലൂടെ അനീഷ് പങ്കുവയ്ക്കാറുണ്ട്. രസകരമായ ഷൂട്ടിംഗ് വിശേഷങ്ങളും മറ്റുമാവും അത്.

ഇക്കാരണം കൊണ്ട് തന്നെയാണ് ഒരാൾ മോഹൻലാൽ എന്ന് കരുതി അനീഷിന് വാട്സാപ്പ് സന്ദേശമയച്ചത്. 'എന്റെ പൊന്നളിയാ, ഞാൻ മോഹൻലാൽ അല്ല' എന്ന് പറഞ്ഞുകൊണ്ടാണ് അനീഷ് ഈ പോസ്റ്റ് പങ്കിട്ടതും.

ദേവാസുരം, ആറാം തമ്പുരാന്‍, നരസിംഹം എന്നീ ചിത്രങ്ങള്‍ക്ക് വരിക്കാശേരി മനിയിൽ ചിത്രീകരിക്കുന്ന മോഹൻലാൽ ചിത്രമാണ് ആറാട്ട്. നെയ്യാറ്റിന്‍കര ഗോപന്‍ എന്ന കഥാപാത്രത്തെയാണ് ചിത്രത്തില്‍ മോഹന്‍ലാല്‍ അവതരിപ്പിക്കുന്നത്. ശ്രദ്ധ ശ്രീനാഥാണ് ഈ സിനിമയിലെ നായിക.

നെയ്യാറ്റിന്‍കരയില്‍ നിന്നും ഗോപൻ പാലക്കാട്ടെ ഒരു ഗ്രാമത്തില്‍ എത്തുന്നതാണ് ചിത്രത്തിന്റെ കഥ. സായ്കുമാര്‍, സിദ്ദിഖ്, ജോണി ആന്റണി, ഇന്ദ്രന്‍സ്, രാഘവന്‍, നന്ദു, ബിജു പപ്പന്‍, ഷീല, സ്വാസിക, മാളവിക, രചന നാരായണന്‍ കുട്ടി, എന്നിവരാണ് ചിത്രത്തിലെ മറ്റു അഭിനേതാക്കൾ.