ദൈവങ്ങളുടെ പേര് സിനിമക്ക് കൊടുക്കരുത് എന്ന് പറയാൻ ഭരിക്കുന്നത് താലിബാൻ അല്ല : ജെ.എസ്.കെ. സംവിധായകൻ

സുരേഷ് ഗോപി നായകനായ 'ജാനകി v/s സ്റ്റേറ്റ് ഓഫ് കേരള' (JSK) എന്ന ചിത്രത്തിന് സെൻസർ സർട്ടിഫിക്കറ്റ് നൽകാതെ റിലീസ് നീണ്ടുപോകുന്നതിനെതിരെ നിർമാതാക്കൾ നിയമവഴിയേ. പ്രവീൺ നാരായണൻ സംവിധാനം ചെയ്ത ചിത്രത്തിൽ ജാനകി എന്ന പേരാണ് പ്രശ്നമായത്. സിനിമയുടെ തലക്കെട്ടിലും കഥാനായികയ്ക്കും ഒരേപേരാണ്. ജൂൺ 12ന് നൽകിയ സെൻസർ അപേക്ഷ ഇനിയും പരിഗണിക്കപ്പെട്ടിട്ടില്ല. പ്രദർശനാനുമതി വേണമെന്നാവശ്യപ്പെട്ട് നിർമാതാക്കൾ ഹൈക്കോടതിയെ സമീപിച്ചിരുന്നു. ഹൈക്കോടതി നിർദേശത്തിന്റെ പശ്ചാത്തലത്തിൽ സംവിധായകൻ പ്രവീൺ ഫേസ്ബുക്ക് കുറിപ്പുമായി വരുന്നു.