'നല്ല സമയ'ത്തിന് ശേഷം 'ബാഡ് ബോയ്‌സ്'; പുതിയ ചിത്രം പ്രഖ്യാപിച്ച് ഒമര്‍ ലുലു

നിരവധി പുതുമുഖങ്ങൾക്ക് ചിത്രത്തിൽ അവസരമുണ്ടാകുമെന്ന് ഒമർലുലു വ്യക്തമാക്കി. മുന്‍ ചിത്രങ്ങളായ ‘ഹാപ്പി വെഡിങ്’, ‘ചങ്ക്സ്’ പോലെ ഒരു മുഴുനീള എന്റര്‍ടെയ്‌നറായിരിക്കും പുതിയ ചിത്രമെന്ന് ഒമര്‍ ലുലു കുറിച്ചു. ‘ബാഡ് ബോയ്സ്’ ബ്ലോക്ക് ബസ്റ്റര്‍ ആയിരിക്കുമെന്നും സംവിധായകൻ പറയുന്നു.

ബാബു ആന്റണിയെ നായകനാക്കി ‘പവര്‍ സ്റ്റാര്‍’ എന്ന സിനിമയും ഒമര്‍ ലുലുവിന്റെ സംവിധാനത്തില്‍ ഒരുങ്ങുന്നുണ്ട്. ബാബു ആന്റണിക്കൊപ്പം അബു സലിമും പ്രധാന കഥാപാത്രമായി ചിത്രത്തില്‍ എത്തുന്നുണ്ട്. പത്തു വര്‍ഷത്തിന് ശേഷമാണ് ബാബു ആന്റണി നായകനായി തിരിച്ചെത്തുന്നത്.