വറുത്ത മീൻ കഴിച്ചതിനെ ചൊല്ലി തർക്കം; യുവാവിനെ അടിച്ചുകൊന്ന സുഹൃത്തുക്കൾ അറസ്റ്റിൽ

ഫെബ്രുവരി 24-നാണ് കേസിനാസ്പദമായ സംഭവം നടന്നത്. അടുക്കളയിൽ ആഹാരം പാചകം ചെയ്തുകൊണ്ടിരുന്നപ്പോഴാണ് വാക്കുതർക്കമുണ്ടായത്. ഉറങ്ങി എഴുന്നേറ്റപ്പോൾ പാനിലെ മീൻ മുഴുവൻ തീർന്നിരുന്നു. തുടർന്ന് മീൻ എടുത്തെന്ന് ആരോപിച്ച് അഫ്സറിനെ ക്രൂരമായി മർദ്ദിക്കുകയായിരുന്നു. ഇരുവരും ചേർന്ന് അഫ്സറിനെ ചവിട്ടുകയും ഇടിക്കുകയും ചെയ്തു.

കൃത്യത്തിന് ശേഷം ഇരുവരും ഹരിയാനയിലേക്ക് ഒളിവിൽ പോയി. അന്വേഷണത്തിൽ പൊലീസ് ഇരുവരെയും പിടികൂടി. കൊലപാതകം, പിടിച്ചുപറി തുടങ്ങിയ നിരവധി കേസുകളിലെ പ്രതിയാണ് അറസ്റ്റിലായ രാജേഷ്.