Kantara | 'കാന്താര ചാപ്റ്റർ 1' കേരളത്തിൽ ചരിത്രം കുറിക്കുന്നു; നേട്ടം 55 കോടി കളക്ഷൻ
- Published by:meera_57
- news18-malayalam
Last Updated:
ഋഷഭ് ഷെട്ടി രചന നിര്വഹിച്ച് സംവിധാനം ചെയ്ത 'കാന്താര'യുടെ പ്രീക്വല് ആയ കാന്താര: എ ലെജന്ഡ്- ചാപ്റ്റര് 1 ഒക്ടോബർ 2 നാണ് പ്രദര്ശനത്തിനെത്തിയത്
കേരളത്തിൽ ഗംഭീര റെക്കോർഡ് സ്വന്തമാക്കി ഹോംബാലെ ഫിലിംസിന്റെ 'കാന്താര ചാപ്റ്റർ1'. കേരളത്തിൽ നിന്ന് ചിത്രം 55 കോടി രൂപ നേടിയതായി അണിയറപ്രവർത്തകർ സ്ഥിരീകരിച്ചു. പൃഥ്വിരാജ് പ്രൊഡക്ഷൻസ് വിതരണം ചെയ്ത ചിത്രം, മലയാളമല്ലാത്ത ഒരു ചിത്രത്തിന് കേരളത്തിൽ ലഭിച്ച ഏറ്റവും വലിയ കളക്ഷൻ എന്ന റെക്കോർഡോടെയാണ് 55 കോടി നേടിയത്. ഋഷഭ് ഷെട്ടി രചന നിര്വഹിച്ച് സംവിധാനം ചെയ്ത 'കാന്താര'യുടെ പ്രീക്വല് ആയ കാന്താര: എ ലെജന്ഡ്- ചാപ്റ്റര് 1 ഒക്ടോബർ 2 നാണ് പ്രദര്ശനത്തിനെത്തിയത്. റിലീസ് ചെയ്ത് ദിവസങ്ങൾ പിന്നിടുമ്പോൾ ഞെട്ടിക്കുന്ന കളക്ഷനാണ് ചിത്രം എല്ലാ ഭാഷകളില് നിന്നുമായി സ്വന്തമാക്കിയിരിക്കുന്നത്.
'കാന്താര ചാപ്റ്റർ 1' ഒരു സിനിമയെക്കാൾ ഏറെ പാരമ്പര്യം, വിശ്വാസം, മനുഷ്യ വികാരങ്ങൾ എന്നിവയുടെ ആഴത്തിലുള്ള സംയോജനം തന്നെയാണ്. സിനിമയുടെ ആത്മീയതയും, പ്രാദേശികതയിലും പാരമ്പര്യത്തിലും നിൽക്കുന്ന കഥയും, കേരളത്തിലെ പ്രേക്ഷകരെ അതീവമായി ആകർഷിച്ചു. കേരളത്തിലെ പ്രേക്ഷകർ നൽകിയ ഈ സ്വീകാര്യത ഞങ്ങളെ അത്യന്തം സന്തോഷിപ്പിക്കുന്നു. ഭാഷയും അതിരുകളും കടന്നുപോകുന്ന ഈ സ്നേഹമാണ് ‘കാന്താര’യെ ജങ്ങൾക്കിടയിൽ ഇത്രയും സ്വീകാര്യമാക്കിയത് എന്ന് ഹോംബാലെ ഫിലിംസിന്റെ സ്ഥാപകനായ വിജയ് കിരഗന്ദൂർ അഭിപ്രായപ്പെട്ടു.
കേരളം എപ്പോഴും മികച്ച സിനിമയെ വിലമതിക്കുന്ന നാടാണ്. ഞങ്ങളുടെ സിനിമയോട് കാണിച്ച ഈ സ്നേഹത്തിനും ആദരവിനും ഞാൻ ഹൃദയത്തിൽ നിന്ന് നന്ദി പറയുന്നു.”സംവിധായകനും നായകനുമായ ഋഷഭ് ഷെട്ടി കൂട്ടിച്ചേർത്തു. ഋഷഭ് ഷെട്ടിയെ കൂടാതെ ജയറാം, രുക്മിണി വസന്ത്, ഗുല്ഷന് ദേവയ്യ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. 2024-ല് 'കാന്താര'യിലെ അഭിനയത്തിന് ഋഷഭ് ഷെട്ടിക്ക് മികച്ച നടനുള്ള ദേശീയ പുരസ്കാരം ലഭിച്ചിരുന്നു. മികച്ച ജനപ്രിയ ചിത്രത്തിനുള്ള ദേശീയ പുരസ്കാരവും ചിത്രം നേടി.
advertisement
Summary: Hombale Films 'Kantara Chapter 1' has set a huge record in Kerala. The makers have confirmed that the film has earned Rs 55 crore from Kerala. The film, distributed by Prithviraj Productions, has earned Rs 55 crore, making it the highest collection in Kerala for a non-Malayalam film. Kantara: A Legend - Chapter 1, prequel to 'Kantara', written and directed by Rishabh Shetty, was released on October 2
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Oct 21, 2025 2:02 PM IST
മലയാളം വാർത്തകൾ/ വാർത്ത/Film/
Kantara | 'കാന്താര ചാപ്റ്റർ 1' കേരളത്തിൽ ചരിത്രം കുറിക്കുന്നു; നേട്ടം 55 കോടി കളക്ഷൻ
