കൊടുംകാട്ടിലെ ഷൂട്ടിങ്ങിൽ പാഞ്ഞോടിവന്ന കാർ തലകീഴായി മറിഞ്ഞു; ആന്റണി വർഗീസിന്റെ 'കാട്ടാളൻ' കാഴ്ച

ഷൂട്ടിങ്ങിനായി ചീറിപ്പാഞ്ഞ് ഓടിവരുന്നതിനിടയിൽ തലകീഴായി മറിഞ്ഞ കാർ. ക്യാമറ ഓഫ് ആവുന്നതും, ചുറ്റും കൂടി നിന്നവർ ആ കാർ നേരേനിർത്താനായി ഓടിവരുന്നു. ഉള്ളിൽ നിന്നും യാതൊരു കൂസലുമില്ലാതെ ഇറങ്ങിവരുന്ന നായകൻ. ക്യൂബ്സ് എൻ്റർടൈൻമെൻ്റ്സിൻ്റെ ബാനറിൽ ഷെരീഫ് മുഹമ്മദ് നിർമ്മിച്ച്, പോൾ ജോർജ് സംവിധാനം ചെയ്യുന്ന 'കാട്ടാളൻ' എന്ന ചിത്രം സാഹസികതയുടെ ഒരുപെരുമഴക്കാലം പെയ്യിച്ചു കൊണ്ടാണ് ചിത്രീകരണം പുരോഗമിക്കുന്നത്.