Lord Marco | ലോർഡ് മാർക്കോ ലോഡിംഗ്; നായകൻ മമ്മൂട്ടിയോ യഷോ എന്ന ചോദ്യം ചൂടുപിടിക്കുന്നു
- Published by:meera_57
- news18-malayalam
Last Updated:
മൂത്ത മാർക്കോ ആവാൻ 'മൂത്തോൻ' മമ്മുക്കയാണോ അതോ കോലാറിലെ സ്വർണഖനിയുടെ കഥപറഞ്ഞ 'KGF' കഥാനായകൻ യഷ് വരുമോ?
മിഖായേൽ ജോണിനെ ശത്രുപക്ഷത്തു നിന്നും നേരിടുന്ന മാർക്കോ ജൂനിയർ എന്ന കഥാപാത്രത്തിൽ നിന്നും ഉണ്ടായ സ്പിൻ ഓഫ് 'മാർക്കോ' (Marco). തിയേറ്റർ വിട്ടിറങ്ങുമ്പോൾ, 'മാർക്കോ' എന്ന കഥാപാത്രമായി പ്രേക്ഷകരെ അക്ഷരാർത്ഥത്തിൽ വിവിധ വൈകാരിക തലങ്ങളിലൂടെ കയറ്റിയിറക്കിയ 'മാർക്കോ' തിയേറ്റർ വിട്ടത് മടിയിൽ 110 കോടി രൂപയുമായി. വെട്ടും കുത്തും കൊലപാതകവുമായിട്ടും നായക, പ്രതിനായക നടൻമാർ അഴിഞ്ഞാടിയ ചിത്രം കണ്ടവർ കണ്ടവർ ഇത്രയുമെല്ലാം വേണോ ഒരു മലയാള സിനിമയ്ക്ക് എന്ന ചോദ്യം ചോദിക്കാതെയിരുന്നില്ല. അതിനു ശേഷം നിർമാതാക്കൾ 'കാട്ടാളൻ' സിനിമയുടെ പണിപ്പുരയിലായി. എങ്കിൽ കേട്ടോളൂ, മാർക്കോ ചരിതം മാർക്കോയിൽ അവസാനിക്കുന്നില്ല. 'ലോർഡ് മാർക്കോ'യുടെ വരവാണ് ഇനി. ചിത്രത്തിന്റെ ടൈറ്റിൽ രജിസ്ട്രേഷൻ നടത്തിയിട്ടുള്ളത് സംവിധായകൻ ഹനീഫ് അദെനിയുടെ പേരിൽ. ഫിലിം ചേംബർ ഓഫ് കൊമേഴ്സിൽ പേര് രജിസ്റ്റർ ചെയ്തു കഴിഞ്ഞു. മാർക്കോ നിർമാതാവ് ഷരീഫ് മുഹമ്മദ് ആയിരിക്കും ഈ സിനിമയുടെയും നിർമാണം.
ലോർഡ് മാർക്കോ വരുന്നു എന്ന് കേട്ടപ്പോഴേ ചതുരംഗക്കളം ഒരുങ്ങുകയായി. മൂത്ത മാർക്കോ ആവാൻ 'മൂത്തോൻ' മമ്മുക്കയാണോ അതോ കോലാറിലെ സ്വർണഖനിയുടെ കഥപറഞ്ഞ 'KGF' കഥാനായകൻ യഷ് ആണോ എന്നാണ് ചോദ്യം. രണ്ടായാലും മലയാളിക്ക് ത്രിൽ അടിക്കാൻ ഇതിൽക്കൂടുതൽ വേണോ എന്നാണ് ചോദ്യം.
30 കോടി മുതൽമുടക്കിൽ 110 കോടി ബോക്സ് ഓഫീസിൽ നേടിയ ചിത്രമാണ് 'മാർക്കോ'. എന്നാൽ, അത്രകണ്ട് വിജയം നേടിയ ചിത്രമായിരുന്നില്ല അതിനു മുൻപേ വന്ന 'മിഖായേൽ'. ഇതിൽ നിവിൻ പോളി, ഉണ്ണി മുകുന്ദൻ എന്നിവരായിരുന്നു നായക, പ്രതിനായകന്മാർ.
advertisement
'ലോർഡ് മാർക്കോ' സിനിമയാകുമ്പോൾ, അതിൽ ഉണ്ണി മുകുന്ദൻ കഥാപാത്രമായ മാർക്കോ ജൂനിയർ ഉണ്ടാവുമോ എന്നും മറ്റൊരു ചോദ്യമുണ്ട്. ആടാട്ട് കുടുംബത്തെ ഒന്നടങ്കം തീർത്തിടത്താണ് മാർക്കോ ക്ളൈമാക്സ് പിടിച്ചത്. 'ലോർഡ് മാർക്കോ', അതായത് മാർക്കോ സീനിയർ, ഈ സിനിമയിൽ എവിടെയും കഥാപാത്രമായി കടന്നുവന്നിട്ടില്ല. മാർക്കോ സീനിയർ, മറിയാമ്മ ദമ്പതികളുടെ മക്കളിലൂടെ കൊല്ലും കൊലയും പതിവാക്കിയ ആടാട്ട് കുടുംബത്തിന്റെ കഥ പറയുന്നതാകുമോ ചിത്രമെന്നതിലാകും പ്രേക്ഷകർക്കും മാർക്കോ ആരാധകർക്കും ആകാംക്ഷ.
Summary: After the successful bash of Unni Mukundan movie 'Marco', the makers have registered the name Lord Marco, raising speculations whether Mammootty or Yash would reprise the role in future
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Sep 17, 2025 6:38 PM IST
മലയാളം വാർത്തകൾ/ വാർത്ത/Film/
Lord Marco | ലോർഡ് മാർക്കോ ലോഡിംഗ്; നായകൻ മമ്മൂട്ടിയോ യഷോ എന്ന ചോദ്യം ചൂടുപിടിക്കുന്നു
