കരീന കപൂർ ചിത്രം ക്രൂവിന് രണ്ടാം ഭാഗമോ? അണിയറപ്രവർത്തകർ നൽകുന്ന വിവരം ഇങ്ങനെ

കരീന കപൂർ (Kareena Kapoor), തബു (Tabu), കൃതി സനോൺ (Kriti Sanon) എന്നിവർ അഭിനയിച്ച ചിത്രമാണ് 2024-ൽ പുറത്തിറങ്ങിയ 'ക്രൂ' (Crew movie). വാണിജ്യപരമായി വിജയ ചിത്രമായിരുന്നു ഇത്. 'ക്രൂ 2' ഇപ്പോൾ പണിപ്പുരയിലാണെന്നും ബെബോ എന്ന കരീന രണ്ടാം ഭാഗത്തിൽ തിരിച്ചെത്തുമെന്ന് സ്ഥിരീകരിച്ചതായും പിങ്ക്‌വില്ല കുറച്ച് ദിവസങ്ങൾക്ക് മുമ്പ് റിപ്പോർട്ട് ചെയ്തിരുന്നു. ക്രൂവിന്റെ രണ്ടാം ഭാഗത്തെക്കുറിച്ചുള്ള അഭ്യൂഹങ്ങളെക്കുറിച്ച് നിർമ്മാതാവ് റിയ കപൂറും അവരുടെ കമ്പനിയായ അനിൽ കപൂർ ഫിലിം & കമ്മ്യൂണിക്കേഷൻ നെറ്റ്‌വർക്കും (എകെഎഫ്‌സിഎൻ) ഒരു പ്രസ്താവന പുറത്തിറക്കി. രണ്ടാം ഭാഗത്തെക്കുറിച്ചോ, ഭാവി പദ്ധതികളെക്കുറിച്ചോ ഔദ്യോഗിക സ്ഥിരീകരണം കഥകളും സമയവും ശരിയാകുമ്പോൾ പ്രഖ്യാപിക്കുമെന്ന് അവർ വ്യക്തമാക്കി.