മാധ്യമ വിചാരണയ്ക്കെതിരെ രാകുൽ പ്രീത്; കേന്ദ്ര സർക്കാരിന് ഡൽഹി ഹൈക്കോടതിയുടെ നോട്ടീസ്

തനിക്കെതിരെ മാധ്യമങ്ങളിലൂടെ നടക്കുന്നത് വാർത്താ വിതരണ-പ്രക്ഷേപണ മന്ത്രാലയത്തിന്റെ മാർഗനിർദേശങ്ങൾക്ക് എതിരാണെന്ന് നടിയുടെ ഹർജിയിൽ പറയുന്നു. ഇതിലാണ് നിലപാട് ആരാഞ്ഞ് കോടതി നോട്ടീസ് അയച്ചിരിക്കുന്നത്. ഒക്​ടോബർ അഞ്ചിന്​ കേസ്​ വീണ്ടും പരിഗണിക്കുമെന്നും അതിന്​ മുമ്പ്​ നിലപാട്​ അറിയിക്കണമെന്നും കോടതി അറിയിച്ചു.

സാറ അലിഖാനും രാകുൽ പ്രീതും ഫാഷൻ ഡിസൈനർ സൈമൺ കമ്പാത്തയും അടക്കമുള്ളവർ ലഹരി ഉപയോഗിച്ചതായി റിയ ചോദ്യം ചെയ്യലിൽ വെളിപ്പെടുത്തിയെന്നായിരുന്നു വാർത്ത പ്രചരിച്ചത്. ബോളിവുഡിലെ പ്രമുഖരായ 25 പേരുടെ പട്ടിക നാർകോട്ടിക്സ് ബ്യൂറോ തയ്യാറാക്കിയെന്നും വാർത്ത വന്നു.

രാകുലിനും സാറയ്ക്കുമെതിരെ നടക്കുന്ന ആക്രമണത്തിൽ പ്രതിഷേധവുമായി താരങ്ങളും രംഗത്തെത്തിയിരുന്നു. #Sorry Sara  #SorryRakul ഹാഷ്ടാഗുകൾ സോഷ്യൽമീഡിയയിൽ ട്രെന്റിങ് ആയിരുന്നു.