Oscars 2026 | മൈക്കൽ ബി ജോർദാൻ മികച്ച നടൻ, ജെസ്സി ബക്ലി മികച്ച നടി; 2026 ഓസ്കാർ വിജയികൾ
- Published by:Nandu Krishnan
- news18-malayalam
Last Updated:
'വൺ ബാറ്റിൽ ആഫ്റ്റർ അനദർ' (One Battle After Another) എന്ന ചിത്രത്തിലൂടെ പോൾ തോമസ് ആൻഡേഴ്സൺ മികച്ച സംവിധായകനുള്ള പുരസ്കാരം നേടി.
ലോകസിനിമ കാത്തിരുന്ന 98-ാമത് അക്കാദമി അവാർഡുകൾ പ്രഖ്യാപിച്ചു. 'സിന്നേഴ്സ്' (Sinners) എന്ന ചിത്രത്തിലെ അഭിനയത്തിന് മൈക്കൽ ബി. ജോർദാൻ മികച്ച നടനുള്ള പുരസ്കാരം നേടി. 'ഹാംനെറ്റ്' (Hamnet) എന്ന ചിത്രത്തിലെ പ്രകടനത്തിന് ജെസ്സി ബക്ലി മികച്ച നടിയായി തിരഞ്ഞെടുക്കപ്പെട്ടു.ഈ ബഹുമതി നേടുന്ന ആദ്യ ഐറിഷ് താരം കൂടിയാണ് ജെസ്സി. 'വൺ ബാറ്റിൽ ആഫ്റ്റർ അനദർ' (One Battle After Another) എന്ന ചിത്രത്തിലൂടെ പോൾ തോമസ് ആൻഡേഴ്സൺ തന്റെ കരിയറിലെ ആദ്യത്തെ മികച്ച തിരക്കഥ (അഡാപ്റ്റഡ്) പുരസ്കാരവും മികച്ച സംവിധായകനുള്ള പുരസ്കാരവും നേടി. കൂടാതെ, മികച്ച എഡിറ്റിംഗ്, മികച്ച ചിത്രം എന്നീ വിഭാഗങ്ങളിലും 'വൺ ബാറ്റിൽ ആഫ്റ്റർ അനദർ' പുരസ്കാരങ്ങൾ വാരിക്കൂട്ടി.
റയാൻ കൂഗ്ലർ മികച്ച തിരക്കഥയ്ക്കുള്ള (ഒറിജിനൽ) അവാർഡ് സ്വന്തമാക്കി. സംഗീതസംവിധായകൻ ലുഡ്വിഗ് ഗൊറാൻസൺ മികച്ച ഒറിജിനൽ സ്കോറിനുള്ള പുരസ്കാരം നേടി. മികച്ച ഛായാഗ്രഹണത്തിനുള്ള പുരസ്കാരം നേടുന്ന ആദ്യ വനിതയായി ഓട്ടം ഡ്യൂറാൾഡ് അർക്കപ്പാവ് ചരിത്രം കുറിച്ചു.
'വെപ്പൺസ്' (Weapons) എന്ന ചിത്രത്തിലൂടെ ആമി മാഡിഗൻ മികച്ച സഹനടിക്കുള്ള പുരസ്കാരം നേടിയപ്പോൾ, 'വൺ ബാറ്റിൽ ആഫ്റ്റർ അനദർ' എന്ന ചിത്രത്തിലെ അഭിനയത്തിന് ഷോൺ പെൻ മികച്ച സഹനടനുള്ള പുരസ്കാരം നേടി.തന്റെ കരിയറിലെ മൂന്നാമത്തെ ഓസ്കാർ നേട്ടമാണ് ഷോൺ പെൻ സ്വന്തമാക്കിയത്. എന്നാൽ അദ്ദേഹം അവാർഡ് ചടങ്ങിൽ നിന്ന് വിട്ടുനിന്നു.
advertisement
അനിമേഷൻ വിഭാഗത്തിൽ 'കെ-പോപ്പ് ഡെമൺ ഹണ്ടേഴ്സ്' (KPop Demon Hunters) മികച്ച ചിത്രമായി തിരഞ്ഞെടുക്കപ്പെട്ടു. ഇതിലെ "ഗോൾഡൻ" എന്ന ഗാനം മികച്ച ഒറിജിനൽ സോങ്ങ് വിഭാഗത്തിൽ പുരസ്കാരം നേടുന്ന ആദ്യ കെ-പോപ്പ് ഗാനമായി ചരിത്രത്തിലിടം പിടിച്ചു. 2002-ൽ മികച്ച അനിമേഷൻ ഫീച്ചർ വിഭാഗം ചേർത്തതിന് ശേഷം ആദ്യമായി ഏർപ്പെടുത്തിയ 'ബെസ്റ്റ് കാസ്റ്റിംഗ്' എന്ന പുതിയ വിഭാഗത്തിലെ ആദ്യ പുരസ്കാരം കസാൻഡ്ര കുലുകുണ്ടിസ് (വൺ ബാറ്റിൽ ആഫ്റ്റർ അനദർ) നേടി.
ഡോൾബി തിയേറ്ററിൽ നടന്ന അവാർഡ് നിശയിൽ തുടർച്ചയായ രണ്ടാം വർഷവും കോനൻ ഒബ്രിയാൻ അവതാരകനായി.മിക്കി മാഡിസൺ, അഡ്രിയാൻ ബ്രോഡി, കീരൻ കൽക്കിൻ, സോ സാൽഡാന തുടങ്ങിയ മുൻ വിജയികൾക്കൊപ്പം പ്രിയങ്ക ചോപ്ര ജോനാസ്, ആനി ഹാതവേ, നിക്കോൾ കിഡ്മാൻ, പെഡ്രോ പാസ്കൽ, ചാനിംഗ് ടാറ്റം എന്നിവരും പുരസ്കാരങ്ങൾ സമ്മാനിക്കാനായി സ്റ്റേജിലെത്തി. കഴിഞ്ഞ വർഷം വിടപറഞ്ഞ റോബ് റെയ്നർ, റോബർട്ട് റെഡ്ഫോർഡ്, ഡയാന കീറ്റൺ, കാതറിൻ ഒഹാര തുടങ്ങിയ ഇതിഹാസങ്ങൾക്ക് ചടങ്ങിൽ ആദരാഞ്ജലികൾ അർപ്പിച്ചു.
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
Mar 16, 2026 10:48 AM IST
മലയാളം വാർത്തകൾ/ വാർത്ത/Film/
Oscars 2026 | മൈക്കൽ ബി ജോർദാൻ മികച്ച നടൻ, ജെസ്സി ബക്ലി മികച്ച നടി; 2026 ഓസ്കാർ വിജയികൾ
