നിഖില വിമലിന്റെ ഐറ്റം ഡാൻസ് ഇല്ല; പ്രചരിക്കുന്നത് വ്യാജ വാർത്തയെന്ന് 'ആട് 3' സംവിധായകൻ

ആട് 3 എന്ന ചിത്രത്തെക്കുറിച്ച് സോഷ്യൽ മീഡിയയിൽ പ്രചരിക്കുന്ന അഭ്യൂഹങ്ങൾക്ക് വ്യക്തമായ മറുപടിയുമായി സംവിധായകൻ മിഥുൻ മാനുവൽ തോമസ്. ചിത്രത്തിൽ നടി നിഖില വിമലിന്റെ ഐറ്റം ഡാൻസ് ഉണ്ടെന്ന വാർത്തകൾ പൂർണ്ണമായും തെറ്റാണെന്നും നിഖില ഈ സിനിമയുടെ ഭാഗമല്ലെന്നും അദ്ദേഹം വ്യക്തമാക്കി. ഫ്രൈഡേ ഫിലിം ഹൗസിന്റെ അഭിമുഖത്തിലാണ് സംവിധായകൻ ഈ കാര്യങ്ങൾ പങ്കുവെച്ചത്. നിഖിലയ്ക്ക് പകരം പ്രശസ്ത നടി വേദികയാണ് ചിത്രത്തിൽ ഒരു ഡാൻസ് സീക്വൻസിൽ പ്രത്യക്ഷപ്പെടുന്നത്. വേദിക മികച്ച നർത്തകിയായതുകൊണ്ടാണ് ആ വേഷത്തിലേക്ക് അവരെ തിരഞ്ഞെടുത്തതെന്നും 'ആടി'ന്റെ സ്വഭാവത്തിനനുസരിച്ചുള്ള ഒരു ഡാൻസ് മാത്രമായിരിക്കും ഇതെന്നും അദ്ദേഹം കൂട്ടിച്ചേർത്തു.