മോഹൻലാൽ മുഴുനീള വേഷത്തിൽ ഒരുങ്ങുന്നത് ബി​ഗ് ബജറ്റ് ആക്ഷൻ ത്രില്ലർ; വെളിപ്പെടുത്തലുമായി മഹേഷ് നാരായണൻ

മലയാള സിനിമയിലെ വമ്പൻ താരനിര ഒന്നിക്കുന്ന മഹേഷ് നാരായണൻ ചിത്രത്തിനായുള്ള കാത്തിരിപ്പിലാണ് സിനിമ പ്രേമികൾ.ഇപ്പോഴിതാ ആരാധകരെ ആവേശത്തിലാഴ്ത്തുന്ന ഒരു വെളിപ്പെടുത്തലുമായി എത്തിയിരിക്കുകയാണ് സംവിധായകൻ. ചിത്രത്തിന്റെ പ്രഖ്യാപനസമയം മുതൽ ലാലിന്റേത് അതിഥി വേഷമായിരിക്കുമെന്നുളള ഊഹാപോഹങ്ങൾ പ്രചരിച്ചിരുന്നു. എന്നാൽ ഇത്തരം സംശയങ്ങൾക്ക് മറുപടി നൽകിയിരിക്കുകയാണ് ഇപ്പോൾ മഹേഷ് നാരായണൻ . ചിത്രത്തിൽ മോഹൻലാൽ എത്തുന്നത് മുഴുനീളവേഷത്തിൽ തന്നെയെന്ന് ഉറപ്പ് നൽകിയിരിക്കുകയാണ് സംവിധായകൻ.ലാലിന് മാത്രമല്ല, ചിത്രത്തിൽ ഫഹദ് ഫാസിലിനും കുഞ്ചാക്കോ ബോബനും ഉൾപ്പടെ വളരെ പ്രധാനപ്പെട്ട കഥാപാത്രങ്ങളെയാണ് നൽകിയിരിക്കുന്നതെന്നും മഹേഷ് നാരായണൻ വ്യക്തമാക്കി.