Drishyam 3:'പേടിക്കേണ്ട..ജോര്‍ജുകുട്ടി എന്തെങ്കിലും കുഴപ്പമുണ്ടാക്കിക്കോളും'; ദൃശ്യത്തിന്റെ മൂന്നാം ഭാഗത്തെക്കുറിച്ച് മോഹന്‍ലാല്‍

'ദൃശ്യം ഒന്നും രണ്ടും മനസ്സിലേറ്റിയ പ്രേക്ഷകർ മൂന്നും മനസ്സിലേറ്റി നടക്കട്ടേയെന്നാണ് പ്രാർഥന,' മോഹൻലാൽ കൂട്ടിച്ചേർത്തു. ചിത്രത്തിന്റെ കഥയെക്കുറിച്ചുള്ള മാധ്യമപ്രവർത്തകരുടെ ചോദ്യത്തിന്, 'ജോർജുകുട്ടി എന്തെങ്കിലും കുഴപ്പമുണ്ടാക്കും പേടിക്കേണ്ട,' എന്ന് തമാശരൂപേണ പ്രതികരിച്ചു. കൂടാതെ പ്രേക്ഷകരുടെ ഈ ആകാംക്ഷയാണ് ദൃശ്യത്തിന്റെ സവിശേഷതയെന്നും കൂട്ടിച്ചേർത്തു.

മോഹൻലാലിന് ദാദാസാഹേബ് ഫാൽക്കെ അവാർഡ് ലഭിച്ച സമയത്ത് 'ദൃശ്യം 3' യുടെ ഷൂട്ടിംഗ് ആരംഭിക്കാൻ കഴിഞ്ഞത് വലിയ സന്തോഷം നൽകുന്ന കാര്യമാണെന്ന് നിർമാതാവ് ആന്റണി പെരുമ്പാവൂർ പറഞ്ഞു. 'ഈ സമയവും ദിവസവും ഞങ്ങൾക്ക് ഏറ്റവും മറക്കാൻ പറ്റാത്തതാണ്. മോഹൻലാൽ സാറിന് ഇത്രയും വലിയ അംഗീകാരം കിട്ടി. അത് എന്റെ ജീവിതത്തിലെ ഏറ്റവും വലിയ കാര്യമായാണ് ഞാൻ കാണുന്നത്. ദൃശ്യം 3 ഏറ്റവും പ്രിയപ്പെട്ടതാണ്. ഈ സമയത്ത് അത് തുടങ്ങാൻ കഴിയുന്നു എന്നത് ഏറ്റവും വലിയ സന്തോഷം തരുന്ന കാര്യമാണ്,' എന്നും അദ്ദേഹം കൂട്ടിച്ചേർത്തു. ചിത്രത്തിന്റെ അണിയറപ്രവർത്തകരും താരങ്ങളും പൂജാ ചടങ്ങിൽ പങ്കെടുത്തു.