• HOME
  • »
  • NEWS
  • »
  • film
  • »
  • Monster Movie | അടിമുടി സസ്പെന്‍സുമായി മോഹന്‍ലാലിന്‍റെ 'ലക്കി സിങ്'; മോണ്‍സ്റ്റര്‍ ട്രെയിലര്‍

Monster Movie | അടിമുടി സസ്പെന്‍സുമായി മോഹന്‍ലാലിന്‍റെ 'ലക്കി സിങ്'; മോണ്‍സ്റ്റര്‍ ട്രെയിലര്‍

ദീപാവലി റിലീസായി ചിത്രം തിയേറ്ററുകളിലെത്തുമെന്നാണ് പ്രതീക്ഷിക്കുന്നത്

  • Share this:
മോഹന്‍ലാല്‍ ആരാധകര്‍ ഏറെ പ്രതീക്ഷയോടെ കാത്തിരിക്കുന്ന 'മോണ്‍സ്റ്റര്‍' സിനിമയുടെ ട്രെയിലര്‍ റിലീസ് ചെയ്തു. ആക്ഷനും സസ്പെന്‍സും നിറഞ്ഞ ഒരു മാസ് ത്രില്ലറിന്‍റെ കെട്ടുമട്ടുമാണ് ട്രെയിലറിന് നല്‍കിയിരിക്കുന്നത്. കേരളക്കരയില്‍ ചരിത്രം കുറിച്ച പുലിമുരുകന്‍ ടീം വീണ്ടും ഒന്നിക്കുന്ന ചിത്രം എന്ന നിലയിലും ആരാധകര്‍ വലിയ പ്രതീക്ഷയാണ് മോണ്‍സ്റ്ററിന് നല്‍കിയിരിക്കുന്നത്.

ആശിര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂര്‍ നിര്‍മ്മിച്ച് വൈശാഖ് സംവിധാനം ചെയ്യുന്ന ചിത്രത്തിന് ഉദയ് കൃഷ്ണനാണ് തിരക്കഥ ഒരുക്കിയിരിക്കുന്നത്. ലക്കി സിംഗ് എന്ന കഥാപാത്രത്തേയാണ് മോഹന്‍ലാല്‍ ചിത്രത്തില്‍ അവതരിപ്പിക്കുന്നത്. ദീപാവലി റിലീസായി ചിത്രം തിയേറ്ററുകളിലെത്തുമെന്നാണ് പ്രതീക്ഷിക്കുന്നത്.



സിദ്ദിഖ്, ലക്ഷ്മി മഞ്ചു, ഹണി റോസ്, സുദേവ് നായർ, ​ഗണേഷ് കുമാർ, ലെന, സാധിക വേണു​ഗോപാൽ എന്നിവരാണ് മറ്റ് അഭിനേതാക്കൾ. ദീപക് ദേവാണ് സം​ഗീത സംവിധാനം.ഛായാഗ്രഹണം സതീഷ് കുറുപ്പ്. എഡിറ്റിംഗ് ഷമീര്‍ മുഹമ്മദ്,  പ്രൊഡക്ഷന്‍ കണ്‍ട്രോളര്‍ സിദ്ധു പനയ്ക്കല്‍, സംഘട്ടനം സ്റ്റണ്ട് സില്‍വ, വസ്ത്രാലങ്കാരം സുജിത്ത് സുധാകരന്‍, സ്റ്റില്‍സ് ബെന്നറ്റ് എം വര്‍ഗീസ്, പ്രൊമോ സ്റ്റില്‍സ് അനീഷ് ഉപാസന, പബ്ലിസിറ്റി ഡിസൈന്‍സ് ആനന്ദ് രാജേന്ദ്രന്‍ തുടങ്ങിയവരാണ് അണിയറയില്‍.
Published by:Arun krishna
First published: