വെള്ളത്തിന് പകരം വെള്ളം തന്നെ; പണവും രത്നങ്ങളുമല്ല

എപ്പോഴെങ്കിലും ദാഹിച്ചലഞ്ഞിട്ടുണ്ടോ? ഒരു ദിവസം പൈപ്പിൽ വെള്ളം വന്നില്ലെങ്കിൽ തന്നെ അക്ഷമരാവുന്ന എത്രയോ പേർ നമുക്കിടയിലുണ്ട്. സുഡാനി ഫ്രം നൈജീരിയയിലെ ആ ഒരു രംഗം തന്നെ ധാരാളം. വീട്ടിലെ പൈപ്പിൽ നിന്നും വെള്ളം തുറന്നു വിടുന്നത് കണ്ട് അകത്തു നിന്നും ഓടി വന്നു അത് തടയുന്ന സാമുവലിന്റെ മനസ്സിൽ ആഫ്രിക്കയിൽ കിലോമീറ്ററുകളോളം നടന്നു വെള്ളം ചുമന്നു കൊണ്ടുവരുന്ന അയാളുടെ കുഞ്ഞു പെങ്ങളുടെ മുഖമാണ് തെളിയുന്നത്. അങ്ങനെ എത്രയോ പേർ ഈ ലോകത്തു ജീവിക്കുന്നു. എല്ലാ സുഖലോലുപതയിൽ നിന്നും വെള്ളം എന്ന ജീവന്റെ അവശ്യ ഘടകത്തിന്റെ വില മനസ്സിലാക്കി കൊടുക്കുന്ന ഹ്രസ്വ ചിത്രമാണ് റെയ്ൻ ഓഫ് ലൈഫ്.