'മറയ്‌ക്കേണ്ടത് മറച്ചിട്ടുണ്ട്, ആ സാധനം ചെത്തിക്കളയാൻ പറ്റില്ല'; നടി ദൃശ്യ രഘുനാഥിന്റെ കുറിക്കു കൊള്ളുന്ന മറുപടി കേട്ടോ

'എന്തിനാ പെങ്ങളെ സ്വയം നാണം കെടുന്നത്. സ്വന്തം വ്യക്തിത്വം കാത്തു സൂക്ഷിക്കൂ'. നടി ദൃശ്യ രഘുനാഥിന്റെ ഏറ്റവും പുതിയ ഇൻസ്റ്റാഗ്രാം ചിത്രത്തിന് ലഭിച്ച മറുപടിയാണിത്. മാച്ച് ബോക്സ്, ഹാപ്പി വെഡിങ് തുടങ്ങിയ ചിത്രങ്ങളിലൂടെ മലയാളി പ്രേക്ഷകർക്ക് മുന്നിൽ എത്തിയ താരമാണ് ദൃശ്യ. ഈ കമന്റിടാൻ ഇൻസ്റ്റാഗ്രാം ആരാധകന് കാരണം ദൃശ്യയുടെ ചിത്രമാണ്. വെള്ളത്തിൽ നനഞ്ഞു കിടക്കുന്ന ദൃശ്യയുടെ ചിത്രങ്ങളാണ് ഇവ. പക്ഷെ ആ പോസ്റ്റിനു കീഴിൽ ദൃശ്യ നിശ്ശബ്ദയായില്ല അപ്പോൾ തന്നെ മറുപടി നൽകി.