Theeppori Benny | തീപ്പൊരി അല്ല, തീ തന്നെ വന്നാലോ; 'തീപ്പൊരി ബെന്നിയിൽ' ഫയർ ഡാൻസുമായി അർജുൻ അശോകൻ, ഷാജു ശ്രീധർ

സാധാരണക്കാരുടെ കർഷകഗ്രാമത്തിൻ്റെ പശ്ചാത്തലത്തിലൂടെ  രാജേഷ് ജോജി തിരക്കഥ രചിച്ച് സംവിധാനം ചെയ്യുന്ന ‘തീപ്പൊരി ബെന്നി’ (Theeppori Benny) എന്ന ചിത്രത്തിന് പുതിയ രൂപം കൈവന്നിരിക്കുന്നു. തീപാറും ഡാൻസുമായി പ്രത്യക്ഷപ്പെടുന്ന ബെന്നിയുടെ പുതിയ ലുക്കിലൂടെയാണ് ടീസർ പുറത്തിറങ്ങിയിരിക്കുന്നത്. നാട്ടുമ്പുറത്തുകാരന്റെ വേഷമായ മുണ്ടും ഷർട്ടും ധരിച്ചാണ് ഇതുവരെ ബെന്നിയെ പ്രേക്ഷകർക്കു പരിചിതമെങ്കിൽ ഇപ്പോൾ പുറത്തു വിട്ടിരിക്കന്ന ടീസറ്റിൽ ഇതുവരെ കണ്ടതിൽ നിന്നും തികച്ചും വ്യത്യസ്ഥമായ ഗെറ്റപ്പിലൂടെയാണ് എത്തുന്നത്. ഇത് ചിത്രത്തിന് മറ്റൊരുമാനം നൽകുന്നു. അർജുൻ അശോകനാണ് (Arjun Ashokan) തീപ്പൊരി ബെന്നിയെ അവതരിപ്പിക്കുന്നത്.