Goutam Ghose | സംസ്ഥാന ചലച്ചിത്ര പുരസ്‌കാര നിർണയ കമ്മറ്റി; ഗൗതം ഘോഷ് ചെയർമാൻ
- Published by:user_57
- news18-malayalam
Last Updated:
ആകെ 154 ചിത്രങ്ങളാണ് ഇത്തവണ അവാർഡിനായി മത്സരിക്കുന്നത്. പ്രിലിമിനറി സ്‌ക്രീനിംഗ് ജൂൺ 19ന് ആരംഭിക്കും
ബംഗാളി ചലച്ചിത്ര നിർമ്മാതാവും തിരക്കഥാകൃത്തും നടനുമായ ഗൗതം ഘോഷ് 2022 ലെ സംസ്ഥാന ചലച്ചിത്ര പുരസ്‌കാര ജൂറിയുടെ ചെയർമാനായി നിയമിതനായി. എട്ട് കുട്ടികളുടെ സിനിമകൾ ഉൾപ്പെടെ ആകെ 154 ചിത്രങ്ങളാണ് ഇത്തവണ അവാർഡിനായി മത്സരിക്കുന്നത്. പ്രിലിമിനറി സ്‌ക്രീനിംഗ് ജൂൺ 19ന് ആരംഭിക്കും.
1980 മുതൽ ഇന്ത്യൻ സമാന്തര സിനിമയുടെ വക്താവായ ഘോഷ് വിവിധ വിഭാഗങ്ങളിലായി 17 ദേശീയ ചലച്ചിത്ര അവാർഡുകൾ നേടിയിട്ടുണ്ട്.
ആർട്ടിസ്റ്റും കലാസംവിധായകനുമായ നേമം പുഷ്പരാജ്, ചലച്ചിത്രസംവിധായകൻ കെ.എം. മധുസൂദനൻ എന്നിവരായിരിക്കും പ്രാഥമിക തിരഞ്ഞെടുപ്പിനുള്ള രണ്ട് ഉപസമിതികളുടെയും അധ്യക്ഷന്മാർ. ഇരുവരും അന്തിമ ജൂറിയുടെ ഭാഗമാകും. നടി ഗൗതമി, ഛായാഗ്രാഹകൻ ഹരി നായർ, സൗണ്ട് ഡിസൈനർ ഡി. യുവരാജ്, പിന്നണി ഗായിക ജെൻസി ഗ്രിഗറി എന്നിവരാണ് ഏഴംഗ അന്തിമ ജൂറിയിലെ മറ്റ് അംഗങ്ങൾ.
advertisement
എഴുത്തുകാരൻ വി.ജെ. ജെയിംസ്, കെ.എം. ഷീബ, കലാസംവിധായകൻ റോയ് പി. തോമസ്, നിർമ്മാതാവ് ബി. രാകേഷ്, സംവിധായകൻ സജാസ് റഹ്മാൻ, ഫിലിം എഡിറ്റർ – ഡയറക്ടർ വിനോദ് സുകുമാരൻ എന്നിവരായിരിക്കും എട്ടംഗ പ്രാഥമിക തിരഞ്ഞെടുപ്പ് പാനലിലെ മറ്റ് അംഗങ്ങൾ. ചലച്ചിത്ര അക്കാദമി സെക്രട്ടറി സി. അജോയ് ജൂറി മെമ്പർ സെക്രട്ടറിയാകും.
എഴുത്തുകാരനും പത്രപ്രവർത്തകനുമായ കെ.സി. നാരായണൻ ചലച്ചിത്ര സംബന്ധിയായ രചനകളുടെ ജൂറി അധ്യക്ഷനായിരിക്കും. എഴുത്തുകാരായ കെ. രേഖ, എം.എ. ദിലീപ്, അജോയ് എന്നിവരാണ് മറ്റ് അംഗങ്ങൾ.
advertisement
Summary: Noted Bengali filmmaker and screenwriter Goutam Ghose has been chosen to chair the jury panel deciding Kerala State Film Awards for the year 2022. Renowned artistes and filmmakers are designated to the primary and final jury panel. This time around, as many as 154 movies are contesting
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
June 17, 2023 11:01 AM IST
മലയാളം വാർത്തകൾ/ വാർത്ത/Film/
Goutam Ghose | സംസ്ഥാന ചലച്ചിത്ര പുരസ്‌കാര നിർണയ കമ്മറ്റി; ഗൗതം ഘോഷ് ചെയർമാൻ
