ജോജുവിന്റെ ജോഷി ചിത്രം 'പൊറിഞ്ചു മറിയം ജോസിന്' തുടക്കമായി

ജോജു ജോർജ് നായകനാവുന്ന ജോഷി ചിത്രം പൊറിഞ്ചു മറിയം ജോസ് തൃശ്ശൂരിൽ ആരംഭിച്ചു. നൈല ഉഷയാണ് നായിക. ജോഷിയുടെ തിരിച്ചു വരവ് ചിത്രത്തിൽ, നായകനായ ജോജു ജോർജ് ഗുണ്ടയുടെ വേഷത്തിൽ എത്തും. ജോസഫ് എന്ന ചിത്രത്തിലെ നായക വേഷത്തിലൂടെ ശ്രദ്ധേയനായ ജോജു, നിലവിൽ തിയേറ്ററുകളിൽ ഓടുന്ന ജൂണിന്‌ ശേഷം ഒരു മുഖ്യ കഥാപാത്രത്തെ അവതരിപ്പിക്കുന്ന ചിത്രമാണിത്. 2015ൽ പുറത്തിറങ്ങിയ ലൈലാ ഓ ലൈലയാണ് ജോഷിയുടെ ഏറ്റവും ഒടുവിലത്തെ ചിത്രം. ശേഷം പല ചിത്രങ്ങളും പരീക്ഷിക്കാൻ ഒരുങ്ങിയെങ്കിലും നടന്നില്ല. ഇതിൽ ദിലീപ് ചിത്രം റൺവേയുടെ രണ്ടാം ഭാഗം വാളയാർ പരമശിവം ഉണ്ടായിരുന്നു.