ഹഗ് ഡേയിൽ പ്രിയപ്പെട്ടവനുമൊത്തുള്ള സുന്ദര നിമിഷങ്ങൾ ഓർത്തെടുത്ത് പേളി മാണി

റോസ് ഡേ, പ്രൊപ്പോസ് ഡേ, ചോക്ലേറ്റ് ഡേ, ടെഡി ഡേ, പ്രോമിസ് ഡേ, കിസ് ഡേ, ഹഗ് ഡേ. വാലൻന്റൈൻ ദിനത്തിന് മുൻപുള്ള ഏഴു ദിവസങ്ങൾ ഇങ്ങനെ പോകുന്നു. പ്രണയ ദിനത്തിന് തൊട്ടു മുൻപുള്ള ഹഗ് ഡേ ആണ് ഏറ്റവും അവസാനം. പ്രിയപ്പെട്ടവളെ, അല്ലെങ്കിൽ പ്രിയപ്പെട്ടവനെ സ്നേഹം കൊണ്ട് ആശ്ലേഷിക്കുന്ന ദിവസം. ഈ ദിനത്തിൽ തൻ്റെ പ്രിയപ്പെട്ടവനുമൊത്തുള്ള ആ നല്ല നിമിഷങ്ങൾ ഓർത്തെടുക്കുകയാണ് പേളി മാണി. റിയാലിറ്റി ഷോ കാലത്തു തുടങ്ങി, വിവാഹ നിശ്ചയം വരെ എത്തി നിൽക്കുന്ന ശ്രീനിഷുമൊത്തുള്ള പ്രണയ നാൾവഴിയിൽ ചേർത്തുപിടിച്ച നിമിഷങ്ങൾ. "ഓരോ ആശ്ലേഷത്തിനും പിന്നിൽ ഒരു കഥയുണ്ട്" എന്നാണ് ക്യാപ്ഷൻ.