Porattu Nadakam | ഒറ്റ ഷെഡ്യൂളിൽ ഷൂട്ടിംഗ് തീർത്തു; സൈജു കുറുപ്പിന്റെ 'പൊറാട്ടു നാടകം' ചിത്രീകരണം പൂർത്തിയായി

Last Updated:

കാഞ്ഞങ്ങാട്, നീലേശ്വരം പ്രദേശങ്ങളിൽ 30 ദിവസത്തെ ഒറ്റ ഷെഡ്യൂളിലാണ് ചിത്രം ഷൂട്ടിംഗ് പൂർത്തിയാക്കിയത്

സൈജു കുറുപ്പ്
സൈജു കുറുപ്പ്
സംവിധായകൻ സിദ്ദിഖിന്റെ നിർമ്മാണ മേൽനോട്ടത്തിൽ എമിറേറ്റ്സ് പ്രൊഡക്ഷൻസും, മീഡിയ യൂണിവേഴ്സും നിർമ്മിക്കുന്ന ‘പൊറാട്ടുനാടകം’ എന്ന സിനിമയുടെ ചിത്രീകരണം പൂർത്തിയായി. കാഞ്ഞങ്ങാട്, നീലേശ്വരം പ്രദേശങ്ങളിൽ 30 ദിവസത്തെ ഒറ്റ ഷെഡ്യൂളിലാണ് ചിത്രം ഷൂട്ടിംഗ് പൂർത്തിയാക്കിയത്.
സൈജു കുറുപ്പ് നായകനായി അഭിനയിക്കുന്ന ചിത്രം നിർമ്മിക്കുന്നത് വിജയൻ പള്ളിക്കര. ചിത്രം സംവിധാനം ചെയ്യുന്നത് സിദ്ദീഖിന്റെ സംവിധാനസഹായിയായി പ്രവർത്തിച്ചിരുന്ന നൗഷാദ് സാഫ്രോണാണ്.
ചിത്രത്തിൽ ധർമ്മജൻ ബോൾഗാട്ടി, രമേഷ് പിഷാരടി, സുനിൽ സുഖദ, രാഹുൽ മാധവ്, നിർമ്മൽ പാലാഴി, സൂരജ് തേലക്കാട്ട്, ഷുക്കൂർ വക്കീൽ, ബാബു അന്നൂർ, ചിത്ര ഷേണായി, ഐശ്വര്യ മിഥുൻ, ചിത്ര നായർ, ജിജിന രാധാകൃഷ്ണൻ, ഗീതി സംഗീത തുടങ്ങിയവരും അഭിനയിക്കുന്നു.
advertisement
മോഹൻലാൽ, ഈശോ എന്നീ ചിത്രങ്ങൾക്ക് ശേഷം സുനീഷ് വരനാട് തിരക്കഥയൊരുക്കുന്ന ചിത്രത്തിൽ കോതാമൂരിയാട്ടം, പൊറാട്ട് നാടകം തുടങ്ങിയ കലാരൂപങ്ങൾ പശ്ചാത്തലമായി വരുന്നു.
കോമഡിക്ക് പ്രാധാന്യം നൽകി ഒരുക്കിയ ചിത്രം വടക്കൻ കേരളത്തിലെ ഗോപാലപുരം എന്ന ഗ്രാമത്തിൽ 21 ദിവസം അരങ്ങേറുന്ന സംഭവങ്ങളാണ് ആക്ഷേപഹാസ്യത്തിലൂടെ അവതരിപ്പിക്കുന്നത്.
എക്സിക്യൂട്ടീവ് പ്രൊഡ്യൂസർ: നാസർ വേങ്ങര, ഛായാഗ്രഹണം: നൗഷാദ് ഷെരീഫ്, സംഗീതം: രാഹുൽ രാജ്, ചിത്രസംയോജനം:രാജേഷ് രാജേന്ദ്രൻ, വസ്ത്രാലങ്കാരം: സൂര്യ രവീന്ദ്രൻ, ചമയം: ലിബിൻ മോഹൻ, കല: സുജിത് രാഘവ്, പി.ആർ.ഒ.: മഞ്ചു ഗോപിനാഥ്, മുഖ്യ സംവിധാന സഹായി: അനിൽ മാത്യൂസ് പൊന്നാട്ട്, സഹ സംവിധാനം: കെ.ജി. രാജേഷ് കുമാർ, നിർമാണ നിർവ്വഹണം: ഷിഹാബ് വെണ്ണല,സ്റ്റിൽസ് രാംദാസ് മാത്തൂർ. പ്രൊഡക്ഷൻ എക്സിക്യൂട്ടീവ്: ആന്റണി കുട്ടമ്പുഴ, ലൊക്കേഷൻ മാനേജർ: പ്രസൂൽ അമ്പലത്തറ.
advertisement
Summary: Porattu Nadakam movie of Saiju Kurup completes shooting
മലയാളം വാർത്തകൾ/ വാർത്ത/Film/
Porattu Nadakam | ഒറ്റ ഷെഡ്യൂളിൽ ഷൂട്ടിംഗ് തീർത്തു; സൈജു കുറുപ്പിന്റെ 'പൊറാട്ടു നാടകം' ചിത്രീകരണം പൂർത്തിയായി
Next Article
advertisement
മെസിയും അര്‍ജന്‍റീന ടീമും നവംബറിൽ വരില്ല; കേരള സന്ദര്‍ശനം റദ്ദാക്കിയതായി റിപ്പോര്‍ട്ട്
മെസിയും അര്‍ജന്‍റീന ടീമും നവംബറിൽ വരില്ല; കേരള സന്ദര്‍ശനം റദ്ദാക്കിയതായി റിപ്പോര്‍ട്ട്
  • ലയണൽ മെസിയും അർജന്‍റീന ടീമും നവംബറിൽ കേരളം സന്ദർശിക്കില്ലെന്ന് ലാ നാസിയോണിന്‍റെ റിപ്പോർട്ട്.

  • കേരള സന്ദർശനം റദ്ദാക്കിയത് ആവർത്തിച്ചുള്ള ലംഘനങ്ങൾ കാരണം കരാർ പരാജയപ്പെട്ടതുകൊണ്ടാണെന്ന് പറയുന്നു.

  • പുതിയ തീയതി കണ്ടെത്താൻ കരാർ പുനഃക്രമീകരിച്ച് അടുത്ത വർഷം മാർച്ചിൽ മത്സരം നടത്താൻ സാധ്യത.

View All
advertisement