Kavalan | റിലീസ് ചെയ്തിട്ട് 11 വർഷം; വിജയ് ചിത്രം 'കാവലൻ' റീ-റിലീസ് ഫെബ്രുവരിയിൽ

Published by:user_57
news18-malayalam

Last Updated:Jan 27, 2023 2:46 PM IST

2011 ജനുവരി 15ന് സിദ്ദിഖിന്റെ സംവിധാനത്തിൽ പുറത്തിറങ്ങിയ ഈ തമിഴ് ചിത്രം 11 വർഷങ്ങൾക്ക് ശേഷമാണ് വീണ്ടും തിയറ്ററുകളിലെത്തുന്നത്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ഇളയദളപതി വിജയിയുടെ (Ilayathalkapathy Vijay) സിൽവർ ജൂബിലി ചിത്രം ‘കാവലൻ’ (Kavalan) റീ- റിലീസിനൊരുങ്ങുന്നു. ഫെബ്രുവരി 10ന് തിയേറ്റർ റിലീസ് ചെയ്യാനൊരുങ്ങുന്ന ചിത്രം 100ലധികം സെന്ററുകളിലായിട്ടാണ് പ്രദർശനത്തിനെത്തുന്നത്. 2011 ജനുവരി 15ന് സിദ്ദിഖിന്റെ സംവിധാനത്തിൽ പുറത്തിറങ്ങിയ ഈ തമിഴ് ചിത്രം 11 വർഷങ്ങൾക്ക് ശേഷമാണ് വീണ്ടും തിയറ്ററുകളിലെത്തുന്നത്. അസിനും മിത്രാ കുരിയനുമാണ് ചിത്രത്തിലെ നായികമാർ.

Also read: Pranitha Subhash | ദിലീപ് ചിത്രത്തിലൂടെ പ്രണിത സുഭാഷ് കർണാടകത്തിൽ നിന്നും മലയാളത്തിലേക്ക്

സിദ്ദിഖ് തിരക്കഥയെഴുതി സംവിധാനം ചെയ്ത മലയാള ചിത്രം ‘ബോഡിഗാർഡ്’ന്റെ തമിഴ് റീമേക്കാണ് ‘കാവലൻ’. ദിലീപും നയൻതാരയും ജോ‍ഡികളായെത്തിയ ‘ബോഡിഗാർഡ്’ വലിയ രീതിയിൽ പ്രേക്ഷകസ്വീകാര്യത നേടിയിരുന്നു. ചിത്രത്തിന്റെ ഹിന്ദി റീമേക്കിൽ സൽമാൻ ഖാനും കരീന കപൂറുമാണ് കേന്ദ്ര കഥാപാത്രങ്ങളായെത്തുന്നത്. ‘ബോഡിഗാർഡ്’ മലയാളം ജോണി സാഗരികയും തമിഴ് പതിപ്പായ ‘കാവലൻ’ സി റോമേഷ് ബാബുവുമാണ് നിർമ്മിച്ചത്. കൊച്ചി, മലബാർ ഏരിയകളിൽ സാൻഹ ആർട്സ് റിലീസും തിരുവനന്തപുരത്ത് എസ്.എം.കെ റിലീസും ചിത്രം പ്രദർശനത്തിനെത്തിക്കും. വാർത്താപ്രചരണം- പി. ശിവപ്രസാദ്.

Summary: In February 2023, Kavalan, a film with Ilayathalapathy Vijay, Asin, and Mitra Kurien in the lead, will receive a second theatrical release. Kavalan is a remake of the Malayalam film Bodyguard directed by Siddhique. The Malayalam version, which had actors Dileep and Nayanthara in the lead parts, was a huge commercial success