ഈ ഒതളങ്ങയ്ക്ക് വിഷമില്ല, ചിരിപ്പിച്ച് ആയുസ്സും കൂട്ടും; ഒതളങ്ങ തുരുത്തിന്റെ സംവിധായകൻ പറയുന്നു

കട്ട ലോക്കൽ എന്ന് വേണമെങ്കിൽ പറയാം, ചിന്തയിൽ ഇതൊക്കെ തന്നെയാണുള്ളത്. സ്വാഭാവികമായി സംഭവിച്ചതാണ്. ഇങ്ങനയേ വരൂ. ഒരു സാങ്കൽപ്പിക ഗ്രാമമാണ് ഒതളങ്ങാ തുരുത്ത്. കൊല്ലം ജില്ലയിലെ അഴീക്കലിൽ ആയിരം തെങ്ങ് എന്ന സ്ഥലത്താണ് ലൊക്കേഷൻ.

പല വെബ് സീരീസിനും ഇൻഡോർ ഷൂട്ട് ആണ് നടക്കുന്നത്. ഫ്ലാറ്റിനുള്ളിൽ അല്ലെങ്കിൽ ഏതെങ്കിലും വീട്ടിനുള്ളിൽ നടക്കുന്ന കഥയാണ് പറയുന്നത്. എനിക്കത് റിലേറ്റ് ചെയ്യാൻ പറ്റില്ല. അത് കാണുമ്പോൾ തന്നെ ഒരു വീർപ്പുമുട്ടലാണ്. നാട്ടിൻപുറവും അവിടുത്തെ ആളുകളുമാണ് എന്റെ ലോകം. നാട്ടിൻപുറത്തെ ചുറ്റുപാടുകളിലൂടെ കഥ പറയണമെന്ന് ആഗ്രഹമുണ്ടായിരുന്നു.

നാട്ടിൻപുറത്തുകാരനായതുകൊണ്ട് അതൊക്കെ സ്വാധീനിച്ചിട്ടുണ്ടാകാം. ബോധപൂർവം ചെയ്തതല്ല, സംഭവിച്ചു പോയതാണ്. കുട്ടിക്കാലത്ത് ബാലരമയിൽ വായിച്ച സൂത്രനും ഷേരുവും വിക്രമനും മുത്തുവുമൊക്കെ മനസ്സിൽ കിടപ്പുണ്ടായിരുന്നു. ഒരുപക്ഷേ അങ്ങനെയാകും നത്തും പപ്പനും ഉണ്ടായത്. ബാലഭൂമിയുടെയും ബാലരമയുടെയുടേയും ഇംപാക്ട് ഒതളങ്ങാ തുരുത്തിൽ ഉണ്ടെന്നാണ് തോന്നുന്നത്.

തീർച്ചയായും. ഒതളങ്ങയ്ക്ക് പ്രേക്ഷകർ ഉള്ളിടത്തോളം കാലം മുന്നോട്ടു കൊണ്ടുപോകാനാണ് ആഗ്രഹം. കൂടുതൽ കഥാപാത്രങ്ങൾ വരും. മിനി സീരീസായിട്ടല്ല ഒതളങ്ങ തുരുത്ത് തുടങ്ങിയത്. ഒതളങ്ങ ഒഴുകുന്നത് പോലെ സീരീസും മുന്നോട്ടു പോകും.

ഓരോ എപ്പിസോഡും ഷൂട്ട് ചെയ്ത് കഴിഞ്ഞ് അടുത്തത് എഴുതുകയാണ് പതിവ്. ഇപ്പോൾ ലോക്ക്ഡൗൺ ആയതുകൊണ്ട് കുറച്ച് എപ്പിസോഡുകൾ എഴുതി വെച്ചിരുന്നു. കോവിഡ് കൂടിയതോടെ ലൊക്കേഷനായിരുന്ന സ്ഥലങ്ങൾ അടച്ചു. അതൊന്നും ഷൂട്ട് ചെയ്യാൻ പറ്റാത്ത അവസ്ഥയാണ്. അതുകൊണ്ട് പുതുതായി എഴുതേണ്ടി വരും. ഇപ്പോൾ അതിന്റെ പണിയിലാണ്.

കരുനാഗപ്പള്ളിയിലെ ചുറ്റുപാടുകളിലുള്ള സ്ഥലത്താണ് കഥ നടക്കുന്നത്. ഇവിടെ ഉള്ളവർ തന്നെയാണ് ഇതിൽ അഭിനയിക്കുന്നതും. കേരളത്തിന്റെ മറ്റു ഭാഗങ്ങളിലേതു പോലെ ഇവിടുത്തുകാർക്കും വ്യത്യസ്തമായ ഭാഷാ ശൈലിയാണ്. ചില വാക്കുകൾ ദൂരെയുള്ള ആളുകൾക്ക് മനസ്സിലാകുന്നില്ല എന്ന് പറയുന്നുണ്ട്. അതുകൊണ്ട് പരമാവധി ശ്രദ്ധിച്ചാണ് ഇപ്പോൾ ഡയലോഗുകൾ തയ്യാറാക്കുന്നത്. പൂർണമായും അച്ചടി ഭാഷയിലേക്ക് മാറാൻ ഉദ്ദേശിക്കുന്നില്ല. ഇതൊരു പ്രത്യേക സ്ഥലത്തെ കഥയും കഥാപാത്രങ്ങളുമാണ്. അതിൽ മാറ്റം വരുത്തിയാൽ തുരുത്തിന്റെ ജീവൻ പോകും. അതിനാൽ പ്രാദേശിക ശൈലി പൂർണമായും ഒഴിവാക്കില്ല. അച്ചടി ഭാഷ പറഞ്ഞു കഴിഞ്ഞാൽ കാണുന്ന പ്രേക്ഷകർക്കും കല്ലുകടിയാകും.

ആദ്യഘട്ടത്തിൽ അൽപ്പം സാമ്പത്തിക ബുദ്ധിമുട്ടുകളുണ്ടായിരുന്നു. വളരെ ചെറിയ സംഘമാണ് ഞങ്ങളുടേത്. അതുകൊണ്ട് പരമാവധി ജോലികൾ ഞങ്ങൾ സ്വയം ചെയ്യുകയാണ്. ഷൂട്ട് കഴിഞ്ഞ് ഒരുമാസത്തോളം പോസ്റ്റ് പ്രൊഡക്ഷന് വേണ്ടി ചെലവഴിക്കേണ്ടി വരും. ഞാൻ തന്നെയാണ് എഡിറ്റിങ്ങൊക്കെ ചെയ്യുന്നത്. അതാണ് എപ്പിസോഡുകൾ ഇറങ്ങാൻ വൈകുന്നത്. ഒറ്റയ്ക്ക് ചെയ്യുന്നതിന്റെ പ്രശ്നമാണ്. ഇനി കുറച്ച് ജോലികൾ പുറത്തു കൊടുക്കണം എന്നാണ് ആലോചിക്കുന്നത്.

സീരിസിന്റെ തൊണ്ണൂറ് ശതമാനവും ഡബ്ബിങ്ങും ബാക്കി സ്പോട്ട് റെക്കോഡിങ്ങുമാണ്. ഡബ്ബിങ് ഒക്കെ രസമാണ്. അതിനായി പ്രത്യേകിച്ച് സ്ഥലമൊന്നുമില്ല. ഷൂട്ട് ചെയ്ത ഭാഗങ്ങൾ ഫോണിൽ എഡിറ്റ് ചെയ്ത് അത് കേട്ട് ഔട്ട്ഡോറിൽ ഇരുന്ന് തന്നെയാണ് ഡബ്ബിങ്ങൊക്കെ.

ആദ്യം ചെറിയ രീതിയിൽ പ്രമോഷനൊക്കെ ചെയ്തിരുന്നു. പക്ഷേ, അതൊന്നും വേണ്ടത്ര ശ്രദ്ധിക്കപ്പെട്ടില്ല. പിന്നെ അതിന് വേണ്ടി സമയം കളയേണ്ടെന്ന് തീരുമാനിച്ചു. പിന്നെ നമ്മുടെ വർക്ക് കണ്ട് ആളുകൾ തിരിച്ചറിയുന്നതിലാണ് സന്തോഷം.

സ്ക്രിപ്റ്റും കാര്യങ്ങളും തയ്യാറായതിന് ശേഷം ഓരോരുത്തരേയും പോയി കാണുകയായിരുന്നു. ക്യാമറാമാൻ അടക്കമുള്ളവരെ കണ്ടെത്തിയതാണ്. നത്തായി അഭിനയിച്ച അബിനെ മാത്രമാണ് നേരത്തേ തീരുമാനിച്ചിരുന്നത്. പപ്പൻ(ജയേഷ്) വഴിയാണ് ബാക്കിയുള്ളവരെ കണ്ടെത്തുന്നത്. ഇതൊന്നും എന്റെ മാത്രം കഴിവല്ല, എല്ലാം വന്നു ചേരുകയായിരുന്നു.

ഇതിൽ ചെറിയ വേഷങ്ങളിൽ വന്നു പോയവർ പോലും അത്ഭുതപ്പെടുത്തിയിട്ടുണ്ട്. ഗംഭീര പ്രകടനമാണ് ഓരോരുത്തരും കാഴ്ച്ചവെച്ചത്. ഷൂട്ടിങ് സമയത്ത് അവരെ സ്വതന്ത്രമായി വിടുകയായിരുന്നു.

ഉബൈദ് ഇബ്രാഹീം സീരീസിനെ കുറിച്ച് യൂട്യൂബ് കമ്മ്യൂണിറ്റി ടാബിൽ ഇട്ടത് വലിയ മാറ്റമാണുണ്ടാക്കിയത്. പിന്നെ സീരിസിലെ ചില ഭാഗങ്ങൾ വാട്സ് ആപ് സ്റ്റാറ്റസായി പ്രചരിച്ചു. എല്ലാം കൂടി വന്നതോടെ ആളുകൾ അന്വേഷിച്ച് എത്തുകയായിരുന്നു. ഉബൈദിനെ നേരിട്ട് വിളിച്ച് നന്ദി അറിയിക്കാൻ പറ്റിയിട്ടില്ല.

അതെ, ദൈർഘ്യമുള്ള എപ്പിസോഡാണെങ്കിൽ ആളുകൾ അത് മുഴുവൻ കാണണമെന്നില്ല. ചെറിയ വീഡിയോയിലൂടെ കഥാപാത്രങ്ങളെ പരിചയപ്പെടുത്തുകയാണ് ഉദ്ദേശിച്ചത്. ഒതളങ്ങാ തുരുത്തിലെ കഥ തുടർച്ചയില്ലാതെ പോകുന്നതിനാൽ കഥാപാത്രങ്ങളെ ആളുകളിലേക്ക് എത്തിക്കുക എന്നാണ് ഉദ്ദേശിച്ചത്.

ക്യാമറ ചെയ്തത് കിരൺ ന്യൂപ്പീറ്റൽ ആണ്. ഒതളങ്ങാ തുരുത്തിനെ ഇത്ര മനോഹരമായി പ്രേക്ഷകരിലെത്തിച്ചത് കിരൺ ആണ്. തുരുത്തിന്റെ സ്വഭാവത്തിന് അനുയോജ്യമായി ഫാന്റസി മൂഡിലാണ് ക്യാമറയും ചെയ്തിരിക്കുന്നത്. എഡിറ്റിങ് കൂടുതൽ എളുപ്പമാക്കിയത് ക്യാമറയാണ്. 5 D ക്യാമറയിലാണ് ഷൂട്ട്. കിരൺ വളരെ ഡീറ്റെയിലായി ഷോട്ടുകൾ എടുക്കും. അതുകൊണ്ട് എഡിറ്റിങ്ങും ബോറഡിക്കാതെ എളുപ്പത്തിൽ ചെയ്യാനാകും.

സ്കൂളിൽ പഠിക്കുമ്പോൾ മുതൽ സിനിമ മനസ്സിലുണ്ട്. പക്ഷേ ആരോടും പറഞ്ഞില്ല. കളിയാക്കുമോ എന്നൊക്കെയായിരുന്നു മനസ്സിൽ. ദിലീഷ് പോത്തൻ, അൻവർ റഷീദ്, ലിജോ ജോസ് പെല്ലിശ്ശേരി ഇവരുടെ സിനിമകളുടെ ആരാധകനാണ്. മഹേഷിന്റെ പ്രതികാരമൊക്കെ ഒരുപാട് സ്വാധീനിച്ചിട്ടുണ്ട്. ഇങ്ങനേയും സിനിമ ചെയ്യാമെന്ന് ആലോചിച്ചത് അപ്പോഴാണ്. സിനിമ കാണൽ പൊതുവിൽ കുറവാണ്. ഇവരുടെ സിനിമകൾ മാത്രമാണ് തിയേറ്ററിൽ പോയി കാണുന്നത്.

സീരീസ് കണ്ട് കുറേ പേർ വിളിച്ച് അഭിനന്ദിച്ചു. അൻവർ റഷീദ് വിളിച്ചതാണ് ഏറ്റവും സന്തോഷം. സിനിമാ ഓഫറൊക്കെ വന്നിട്ടുണ്ട്. അതൊക്കെയാണ് സന്തോഷം.

ലോക്ക്ഡൗൺ അല്ലേ,  അൽപ്പം വൈകാൻ സാധ്യതയുണ്ട്. ജോലികൾ പതുക്കെ നടക്കുന്നതേ ഉള്ളൂ.