'എനിക്കറിയാം, ഞങ്ങൾക്കൊപ്പം വേദനിക്കുന്ന ലക്ഷക്കണക്കിന് പേരുണ്ട്'; ഇർഫാന്റെ വിയോഗത്തിൽ ഭാര്യ

ന്യൂറോ എൻഡോക്രൈൻ ട്യൂമർ ബാധിച്ച് ചികിത്സയിലായിരുന്നു ഇർഫാൻ ഖാൻ. വൻകുടലിലെ അണുബാധയെ തുടർന്ന് ആശുപത്രിയിൽ ചികിത്സയിലായിരുന്ന താരം ബുധനാഴ്ച്ചയോടെയാണ് യാത്രയായത്.

ലോകം മുഴുവൻ അദ്ദേഹത്തിന്റെ വിയോഗത്തിൽ വേദനിക്കുമ്പോൾ എങ്ങനെയാണ് എനിക്ക് കുടുംബത്തിന്റെ കുറിപ്പായി മാത്രം ഇതിനെ എഴുതാൻ കഴിയുക? ഞങ്ങളുടെ മാത്രം നഷ്ടമായി ഇതിനെ എങ്ങനെ എനിക്ക് അനുഭവിക്കാൻ കഴിയും. എല്ലാവരോടുമായി എനിക്ക് പറയാനുള്ളത് ഈ ശൂന്യതയെ നഷ്ടമായി കാണരുത്, നേട്ടമായി കാണാം. അദ്ദേഹം നമ്മെ പഠിപ്പിച്ച കാര്യങ്ങൾ നമ്മുടെ നേട്ടമാണ്. ഇപ്പോൾ നമ്മൾ അത് യഥാർഥത്തിൽ നടപ്പിലാക്കാനും വികസിപ്പിച്ചെടുക്കാനും തുടങ്ങണം. എങ്കിലും ആളുകൾക്ക് അറിയാത്തെ കുറച്ച് കാര്യങ്ങളിൽ ഞാൻ വ്യക്തത വരുത്തുകയാണ്.

ഞങ്ങളെ സംബന്ധിച്ചിടത്തോളം ഇത് ഇപ്പോഴും ഉൾക്കൊള്ളാനായിട്ടില്ല. എങ്കിലും ഇർഫാന്റെ വാക്കുകൾ കടമെടുത്ത് ഇതിനെ മാജിക്കൽ എന്നു പറയുകയാണ്. അദ്ദേഹം ഇവിടെ ഉണ്ടെങ്കിലും ഇല്ലെങ്കിലും, അങ്ങനെ കാണാനാണ് അദ്ദേഹത്തിന് ഇഷ്ടം. അദ്ദേഹം ഒരിക്കലും കാര്യങ്ങളെ ഒറ്റ വീക്ഷണകോണിൽ കാണാൻ ഇഷ്ടപ്പെട്ടിരുന്നില്ല.

അഭിനയത്തിന്റെ മാസ്റ്റർക്ലാസ് ആയിരുന്നു ഞങ്ങളുടെ ജീവിതം തന്നെ. "ക്ഷണക്കാത്തെ അതിഥി"യുടെ നാടകീയമായ കടന്നുവരവോടെ അപശ്രുതിയിലും താളം കണ്ടെത്താൻ ഞാൻ പഠിച്ചു. മികച്ച തിരക്കഥ പോലെയാകണം ഡോക്ടറുടെ റിപ്പോർട്ട് എന്ന് ഞാൻ ആഗ്രഹിച്ചു. അദ്ദേഹത്തിന്റെ പ്രകടനം മികച്ചതാകാൻ ഒരു കാര്യം പോലും വിട്ടുപോകാതിരിക്കാൻ ഞാൻ ശ്രമിച്ചു.

അത്ഭുതകരവും മനോഹരവും വേദനാജനകവും ത്രസിപ്പിച്ചതുമായി ഈ യാത്രയെ കുറിച്ച് വിവരിക്കുക ബുദ്ധിമുട്ടാണ്. കഴിഞ്ഞു പോയ രണ്ടര വർഷത്തെ ഒരു ഇടവേളയായാണ് ഞാൻ കാണുന്നത്. അതിന് അതിന്റേതായ തുടക്കവും മധ്യഭാഗവും പര്യവസാനവുമുണ്ടായിരുന്നു. ഇർഫാന് ഒരു ഓർക്കസ്ട്ര നടത്തുന്നയാളുടെ റോളായിരുന്നു അതിൽ. 35 വർഷം നീളുന്ന ഒന്നിച്ചുള്ള യാത്രയിൽ അത് വേറിട്ട് നിൽക്കുന്നു.

പറ്റുമെങ്കിൽ അച്ഛൻ പറഞ്ഞു തന്ന പാഠങ്ങളിൽ ഏറ്റവും പ്രധാനപ്പെട്ടത് എന്ന് സ്വയം തോന്നുന്നതിനെ മുറുകെ പിടിക്കാനാണ് ഞാൻ എന്റെ മക്കളോട് പറഞ്ഞത്.

ബാബിൽ: "അനിശ്ചിത്വത്തിന്റെ നൃത്തിന് മുന്നിൽ കീഴടങ്ങാൻ പഠിക്കുക, പ്രപഞ്ചത്തിൽ നിങ്ങളുടെ വിധിയിൽ വിശ്വസിക്കുക."

അയാൻ: "മനസ്സിനെ നിയന്ത്രിക്കാൻ പഠിക്കുക, നിങ്ങളെ നിയന്ത്രിക്കാൻ മനസ്സിനെ അനുവദിക്കാതിരിക്കു"